ಅಂಕೋಲಾ ರೋಟರಿ ಕ್ಲಬ್‌ ಪದಗ್ರಹಣ

ಅಂಕೋಲಾ : ಪಟ್ಟಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರೋಟರಿ ಕ್ಲಬ್‌ನ ಅಧ್ಯಕ್ಷ ರಾಗಿ ಅಕ್ಬರ ಅಲಿ, ಕಾರ್ಯದರ್ಶಿಯಾಗಿ ಪ್ರವೀಣಚಂದ್ರ ಹೆಗಡೆ, ಖಜಾಂಚಿಯಾಗಿ ಸತ್ಯಾನಂದ ವಿ. ನಾಯಕ, ಉಪಾಧ್ಯಕ್ಷ ರಾಗಿ ರಾಜೇಂದ್ರ ಪೆಡ್ನೇಕರ ಅಧಿಕಾರ ಸ್ವೀಕರಿಸಿದ್ದಾರೆ.

ಪದಗ್ರಹಣ ನೆರವೇರಿಸಿದ ಹಿರಿಯ ನ್ಯಾಯವಾದಿ ಬಿ.ಎಸ್‌. ಪೈ ಮಾತನಾಡಿ, ರೋಟರಿ ಸಂಸ್ಥೆ ವಿದಾಯಕ ಕಾರ್ಯಕ್ರಮಗಳ ಮೂಲಕ ಹತ್ತಾರು ರಂಗಗಳಲ್ಲಿ ಕೆಲಸ ನಿರ್ವಹಿಸುವುದರೊಂದಿಗೆ ಮೂಲಕ ಸಾರ್ವಜನಿಕ ವಲಯದಲ್ಲಿ ಗುರುತಿಸಿಕೊಂಡಿದೆ. ಅಂಕೋಲಾ ರೋಟರಿ ಕ್ಲಬ್‌ ತಮ್ಮ ಕ್ರಿಯಾಶೀಲ ಕಾರ್ಯವೈಖರಿಯಿಂದ ಸಾರ್ವಜನಿಕ ಸೇವಾ ವಲಯವನ್ನು ಇನ್ನಷ್ಟು ವ್ಯಾಪಿಸಿಕೊಂಡಿದ್ದು, ಕ್ರಿಯಾಶೀಲ ರೋಟರಿಯಾಗಿ ಮನ್ನಣೆ ಪಡೆದುಕೊಂಡಿದೆ ಎಂದು ಹೇಳಿದರು.

ರೋಟರಿ ಅಸಿಸ್ಟಂಟ್‌ ಗವರ್ನರ್‌ ಡಾ.ದಿನೇಶ ಹೆಗಡೆ ಅತಿಥಿಗಳಾಗಿ ಪಾಲ್ಗೊಂಡು ಮಾತನಾಡಿ, ನಿಸ್ವಾರ್ಥ ಸೇವೆಯೊಂದಿಗೆ ಮುಂಚೂಣಿಯಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ರೋಟರಿ ಸಂಸ್ಥೆಯ ಕಾರ್ಯ ಶ್ಲಾಘನೀಯವಾದುದು ಎಂದು ಹೇಳಿದರು.

ಡಾ.ಅವಿನಾಶ ತಿನೈಕರ ಸ್ವಾಗತಿಸಿ ಪ್ರಾಸ್ತಾವಿಕ ಮಾತನಾಡಿದರು. ನ್ಯಾಯವಾದಿ ವಿನೋದ ಶಾನಭಾಗ ವರದಿ ವಾಚಿಸಿದರು. ನಾಗೇಶ ಪ್ರಭು ಮತ್ತು ಡಾ. ಸಂಜೀವ ನವಲ್ಯಾಳ್‌ ಪರಿಚಯಿಸಿದರು. ದರ್ಶಿನಿ ಶೆಟ್ಟಿ ಪ್ರಾರ್ಥಿಸಿದರು. ಸಂಜಯ ಲೋಕಪಾಲ, ಪದ್ಮನಾಭ ಪ್ರಭು ನಿರೂಪಿಸಿದರು. ವಸಂತ ನಾಯ್ಕ ಹೊನ್ನೆಕೇರಿ ಇದ್ದರು.