ಶಿಕ್ಷಕರೂ ಓದುವ ಪ್ರವೃತ್ತಿ ರೂಢಿಸಿಕೊಳ್ಳಲಿ

ಅಂಕೋಲಾ : ಶಿಕ್ಷಕರು ಸಹ ಪ್ರತಿದಿನ ಓದುವ ಪ್ರವೃತ್ತಿಯನ್ನು ರೂಢಿಸಿಕೊಳ್ಳಬೇಕು. ಓದಿನಿಂದ ಶಿಕ್ಷಕರಲ್ಲಿಇನ್ನೂ ಹೆಚ್ಚಿನ ಪ್ರಭುದ್ಧತೆ, ಸೃಜನಶೀಲತೆ ಅನಾವರಣಗೊಳ್ಳುತ್ತದೆ ಎಂದು ಪೂರ್ಣಪ್ರಜ್ಞಾ ಪ್ರೌಢಶಾಲೆಯ ಮುಖ್ಯಾಧ್ಯಾಪಕ ಪ್ರೇಮಾನಂದ್‌ ಮಡಿವಾಳ ಹೇಳಿದರು.

ಅವರು ಶನಿವಾರ ಕೆಎಲ್‌ಇ ಶಿಕ್ಷಣ ಮಹಾವಿದ್ಯಾಲಯದ ತಂಡ ಬೋಧನಾ ಶಿಬಿರದ ಸಮಾರೋಪ ಸಮಾರಂಭದಲ್ಲಿಕರುಣ ಸಾಗರ ಹಸ್ತಪ್ರತಿ ಬಿಡುಗಡೆಗೊಳಿಸಿ ಮಾತನಾಡಿದರು. ಅಧ್ಯಕ್ಷತೆವಹಿಸಿದ್ದ ಪ್ರಾಚಾರ್ಯ ಡಾ.ವಿನಾಯಕ ಹೆಗಡೆ ಮಾತನಾಡಿ, ವಿದ್ಯಾರ್ಥಿಗಳ ಭವಿಷ್ಯವನ್ನು ರೂಪಿಸುವ ಶಿಕ್ಷಕರಿಗೆ ಸಾಮಾಜಿಕವಾಗಿ ತಮ್ಮದೆ ಆದ ಜವಾಬ್ದಾರಿಯಿದೆ ಎಂದರು. ಶಿಬಿರದ ಮಾರ್ಗದರ್ಶಕ, ಪ್ರಾಧ್ಯಾಪಕ ಮಂಜುನಾಥ ಇಟಗಿ, ಸಹಶಿಕ್ಷಕ ಗೋವಿಂದ ನಾಯ್ಕ, ಪ್ರಶಿಕ್ಷಣಾರ್ಥಿ ಅಂಜಲಿ ಕುರ್ಲೆ ಮಾತನಾಡಿದರು. ಪ್ರಶಿಕ್ಷಣಾರ್ಥಿ ಪ್ರಜ್ಞಾ ಸಂಗಡಿಗರು ಪ್ರಾರ್ಥಿಸಿದರು, ಜಯಾ ಮುಕ್ರಿ ಸ್ವಾಗತಿಸಿದರು. ರೇಷ್ಮಾ ಅಂಬಿಗ ವರದಿ ವಾಚಿಸಿದರು. ಸವಿತಾ ಲಮಾಣಿ ಬಹುಮಾನಯಾದಿ ವಾಚಿಸಿದರು, ನವ್ಯಾ ನಾಯ್ಕ ಕಾರ್ಯಕ್ರಮ ನಿರೂಪಿಸಿದರು. ಅರ್ಪಿತಾ ನಾಯಕ ವಂದಿಸಿದರು.