ಬೆಳಕು ಮೀನುಗಾರಿಕೆ ನಿಷೇಧ

ಕಾರವಾರ : ಸಮುದ್ರದಲ್ಲಿ ಬೆಳಕು ಮೀನುಗಾರಿಕೆ (ಲೈಟ್‌ ಫಿಶಿಂಗ್‌ ) ಬುಲ್‌ಟ್ರಾಲ್‌ ಮೀನುಗಾರಿಕೆ, ಅವೈಜ್ಞಾನಿಕವಾಗಿ ಪಚ್ಚಲೆ ಮೀನುಗಾರಿಕೆ, ಚೌರಿ ಮತ್ತು ಪ್ಲಾಸ್ಟಿಕ್‌ ಅಥವಾ ಇನ್ಯಾವುದೇ ನಿಷೇಧಿತ ವಸ್ತು ಬಳಸಿ ಕಪ್ಪೆ ಬೊಂಡಾಸ್‌ಅನ್ನು ಹಿಡಿಯುವುದನ್ನು ನಿಷೇಧಿಸಲಾಗಿರುತ್ತದೆ.

ಈ ನಿಷೇಧದ ಉಲ್ಲಂಘನೆ ಮಾಡಿದ ದೋಣಿಗಳ ಡಿಸೇಲ್‌ ಸಹಾಯಧನ ತಡೆ ಹಿಡಿಯುವುದು ಸೇರಿದಂತೆ ದೋಣಿಗಳ ಲೈಸೆನ್ಸ್‌, ನೋಂದಣಿಯನ್ನು ಶಾಶ್ವ್ವತವಾಗಿ ರದ್ದುಗೊಳಿಸಲು ಕ್ರಮಕೈಕೊಳ್ಳಲಾಗುವುದು. ಯಾಂತ್ರೀಕೃತ ದೋಣಿಗಳಲ್ಲಿ ಜನರೇಟರ್‌, ಇನ್ವರ್ಟರ್‌, ಹೆಚ್ಚುವರಿ ಬ್ಯಾಟರಿಗಳನ್ನು ಹೊಂದುವುದನ್ನೂ ಸಹ ನಿಷೇಧ ಮಾಡಲ್ಪಟ್ಟಿರುತ್ತದೆ ಎಂದು ಜಿಲ್ಲಾ ಮೀನುಗಾರಿಕೆ ಉಪನಿರ್ದೇಶಕ ಪಿ. ನಾಗರಾಜ್‌ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.