ಲೋಕಾಯುಕ್ತ ಸಂಸ್ಥೆಗೆ ಅಧಿಕಾರ ನೀಡಲು ಆಗ್ರಹ

ರಾಣೇಬೆನ್ನೂರ : ಭ್ರಷ್ಟಾಚಾರ ನಿಗ್ರಹ ದಳವನ್ನು ರದ್ದುಪಡಿಸಿ ಲೋಕಾಯುಕ್ತ ಸಂಸ್ಥೆಗೆ ಪರಮಾಧಿಕಾರ ನೀಡುವಂತೆ ಆಗ್ರಹಿಸಿ ತಾಲೂಕಿನ ಐರಣಿ ಗ್ರಾಮದ ಸಂಪೂರ್ಣ ಪರಿಸರ ಮತ್ತು ಗ್ರಾಮೀಣಾಭಿವೃದ್ಧಿ ಸಂಸ್ಥೆಯ (ಎಸ್‌ಪಿಜಿಎಸ್‌) ಕಾರ್ಯಕರ್ತರು ಶನಿವಾರ ಉಪ ತಹಸೀಲ್ದಾರ ಎಂ.ಎನ್‌.ಹಾದಿಮನಿ ಮೂಲಕ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಿದರು.

ಸಂಸ್ಥೆಯ ಸಿಇಒ ಮಂಜುನಾಥಸ್ವಾಮಿ ಮನಿಮಠ ಮಾತನಾಡಿ, ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿಶೋಷಣಾರಹಿತ ಹಾಗೂ ಭ್ರಷ್ಟಾಚಾರ ಮುಕ್ತವಾದ ಸ್ವಚ್ಛ ಸುಂದರ ಸಮಾಜ ನಿರ್ಮಾಣ ಮಾಡುವಂತೆ ನಮ್ಮ ದೇಶದ ಸಂವಿಧಾನವು ಸೂಚಿಸಿದೆ. ರಾಜ್ಯದಲ್ಲಿಈ ಹಿಂದೆ ಲೋಕಾಯುಕ್ತ ಸಂಸ್ಥೆಯು ಈ ನಿಟ್ಟಿನಲ್ಲಿಕಾರ್ಯನಿರ್ವಹಿಸುತ್ತಿದ್ದ ಒಂದು ಸ್ವಾಯತ್ತ ಸಂಸ್ಥೆಯಾಗಿತ್ತು. ಆದರೆ ಹಿಂದಿನ ಸರಕಾರ ಅದರ ಅಧಿಕಾರವನ್ನು ಮೊಟಕುಗೊಳಸಿರುವುದು ದುರದೃಷ್ಟಕರ ಸಂಗತಿ. ಆದ್ದರಿಂದ ಮುಖ್ಯಮಂತ್ರಿಗಳು ರಾಜ್ಯದಲ್ಲಿಪುನಃ ಲೋಕಾಯುಕ್ತ ಸಂಸ್ಥೆಗೆ ಪರಮಾಧಿಕಾರ ನೀಡಿ ಪ್ರಜಾಪ್ರಭುತ್ವದ ಮೌಲ್ಯಗಳನ್ನು ಎತ್ತಿಹಿಡಿಯಬೇಕು ಎಂದು ಆಗ್ರಹಿಸಿದರು.

ಆಂಜನೇಯ ನಾಗೇನಹಳ್ಳಿ, ಹನುಮಂತಪ್ಪ ಕಬ್ಬಾರ ಮಾತನಾಡಿದರು. ಮಂಜು ಎಚ್‌.ಎಂ., ಪ್ರವೀಣ, ಸದಾನಂದ ಮರಿಯಪ್ಪನವರ, ಅಜ್ಜಪ್ಪ ಕೆ.ಬಿ., ಬಸವರಾಜ, ಪ್ರಭು, ಪ್ರವೀಣ ತಳವಾರ, ಶಿವಯೋಗಿ ಹೊನ್ನಾಳಿ, ರಂಗನಾಥ ದೆಸೇರ ಮತ್ತಿತರರಿದ್ದರು.