ಆ್ಯಪ್ನಗರ

ಆಧುನಿಕ ಮಾರುಕಟ್ಟೆ: ಇಂದು ಕಾರ್ಯಾಗಾರ

ಶಿರಸಿ : ಕೃಷಿ ಮತ್ತು ತೋಟಗಾರಿಕಾ ಉತ್ಪನ್ನಗಳಿಗೆ ಆಧುನಿಕ ಮಾರುಕಟ್ಟೆ ವಿಧಗಳು, ಲಾಭದಾಯಕ ಬೆಲೆ ಹಾಗೂ ಕೇಂದ್ರದ ನೂತನ ಯೋಜನೆಗಳ ಕುರಿತು ಒಂದು ದಿನದ ತಾಂತ್ರಿಕ ಕಾರ್ಯಾಗಾರವು ನಗರದ ಟಿಎಮ್‌ಎಸ್‌ ಸಭಾಭವನದಲ್ಲಿ ಫೆ.4ರಂದು ಏರ್ಪಾಟಾಗಿದೆ.

Vijaya Karnataka 4 Feb 2019, 5:00 am
ಶಿರಸಿ : ಕೃಷಿ ಮತ್ತು ತೋಟಗಾರಿಕಾ ಉತ್ಪನ್ನಗಳಿಗೆ ಆಧುನಿಕ ಮಾರುಕಟ್ಟೆ ವಿಧಗಳು, ಲಾಭದಾಯಕ ಬೆಲೆ ಹಾಗೂ ಕೇಂದ್ರದ ನೂತನ ಯೋಜನೆಗಳ ಕುರಿತು ಒಂದು ದಿನದ ತಾಂತ್ರಿಕ ಕಾರ್ಯಾಗಾರವು ನಗರದ ಟಿಎಮ್‌ಎಸ್‌ ಸಭಾಭವನದಲ್ಲಿ ಫೆ.4ರಂದು ಏರ್ಪಾಟಾಗಿದೆ.
Vijaya Karnataka Web modern market today workshop
ಆಧುನಿಕ ಮಾರುಕಟ್ಟೆ: ಇಂದು ಕಾರ್ಯಾಗಾರ


ಕೃಷಿ ಬೆಲೆ ಆಯೋಗ ಬೆಂಗಳೂರು ಮತ್ತು ನಗರದ ಅಗ್ರಿಕಲ್ಚರಲ್‌ ಸರ್ವಿಸ್‌ ಆ್ಯಂಡ್‌ ಡೆವಲಪ್‌ಮೆಂಟ್‌ ಕೋ-ಆಪರೇಟಿವ್‌ ಸೊಸೈಟಿ ಹಾಗೂ ಪರಿಸರ ಸಂರಕ್ಷ ಣಾ ಕೇಂದ್ರ ಸಹಯೋಗದಲ್ಲಿ ಕಾರ್ಯಾಗಾರ ನಡೆಯಲಿದೆ.

ಬೆಳಗ್ಗೆ 10.30ಕ್ಕೆ ಶಾಸಕ ಶಿವರಾಮ ಹೆಬ್ಬಾರ ಉದ್ಘಾಟಿಸುವರು. ಶಾಸಕ ವಿಶ್ವೇಶ್ವರ ಹೆಗಡೆ ಕಾಗೇರಿ ಅಧ್ಯಕ್ಷ ತೆ ವಹಿಸಲಿದ್ದಾರೆ. ಕಿರು ಹೊತ್ತಿಗೆ ಟಿಎಸ್‌ಎಸ್‌ ಅಧ್ಯಕ್ಷ ಶಾಂತಾರಾಮ ಹೆಗಡೆ ಶೀಗೆಹಳ್ಳಿ ಬಿಡುಗಡೆಗೊಳಿಸುವರು. ಕೃಷಿ ಬೆಲೆ ಆಯೋಗದ ಅಧ್ಯಕ್ಷ ಟಿ. ಎನ್‌. ಪ್ರಕಾಶ ಕಮ್ಮರಡಿ, ಟಿಎಂಎಸ್‌ ಅಧ್ಯಕ್ಷ ಜಿ. ಎಮ್‌. ಹೆಗಡೆ ಹುಳಗೋಳ, ಎಪಿಎಂಸಿ ಅಧ್ಯಕ್ಷ ಸುನೀÇ ನಾಯ್ಕ ಪಾಲ್ಗೊಳ್ಳುವರು.

ನಂತರ ತಾಂತ್ರಿಕ ಗೋಷ್ಠಿಗಳು ಏರ್ಪಾಟಾಗಿವೆ. ಉತ್ತರ ಕನ್ನಡ ಜಿಲ್ಲೆಯ ಕೃಷಿ ಮತ್ತು ತೋಟಗಾರಿಕಾ ಬೆಳೆಗಳ ವಸ್ತುಸ್ಥಿತಿ ಕುರಿತು ಜಂಟಿ ಕೃಷಿ ನಿರ್ದೇಶಕರು ಮತ್ತು ತೋಟಗಾರಿಕೆ ಉಪ ನಿರ್ದೇಶಕರು ವಿಷಯ ಮಂಡಿಸುವರು. ಕೃಷಿ ಉತ್ಪನ್ನಗಳಿಗೆ ಆಧುನಿಕ ಮಾರುಕಟ್ಟೆ ಪದ್ಧತಿಗಳು: ಕುರಿತು ಭಾರತೀಯ ತೋಟಗಾರಿಕಾ ವ್ಯವಸ್ಥಾಪಕ ಸಂಸ್ಥೆಯ ಡಾ.ವಿಜಯಕುಮಾರ ಮತ್ತು ಮಳೆ ಆಶ್ರಯ ಭತ್ತದ ಉತ್ಪಾದನೆ ಮತ್ತು ನಾಟಿ ತಳಿಗಳ ಸಂರಕ್ಷ ಣೆ, ಆನ್‌ಲೈನ್‌ ಮಾರುಕಟ್ಟೆ ವ್ಯವಸ್ಥೆ ಕುರಿತು ತಜ್ಞರು ವಿವರಣೆ ನೀಡುವರು. ವಿಶಿಷ್ಟ ಭತ್ತದ ಬೆಳೆಗೆ ಜಿಐ ವ್ಯವಸ್ಥೆ ರೂಪಿಸುವ ಕುರಿತು ಸಹಜ ಸಮೃದ್ಧಿ ಸಂಸ್ಥೆಯ ಜಿ. ಕೃಷ್ಣ ಪ್ರಸಾದ ಮಾಹಿತಿ ನೀಡುವರು.

ಮಧ್ಯಾಹ್ನ ನಂತರದ ಗೋಷ್ಠಿಯಲ್ಲಿ ಕೃಷಿ ಉತ್ಪಾದನಾ ವೆಚ್ಚ ಲೆಕ್ಕಾಚಾರ ಕುರಿತು ಕೃಷಿ ವಿವಿಯ ವಿಲಾಸ್‌ ಕುಲಕರ್ಣಿ, ಅಡಕೆಗೆ ಪ್ರತ್ಯೇಕ ಮಂಡಳಿಯ ಬಗ್ಗೆ ಡಾ. ವೆಂಕಟೇಶ, ಅಡಕೆ ಮತ್ತು ಉಪ ಉತ್ಪನ್ನಗಳ ಜಾಗತಿಕ ಮಾರುಕಟ್ಟೆ ಪರಿಸ್ಥಿತಿ ವಿಷಯವಾಗಿ ಡಾ. ಶ್ರೀವತ್ಸ ವಿವರಣೆ ನೀಡುವರು. ಸಾರ್ವಜನಿಕರು, ರೈತರು ಈ ಕಾರ್ಯಾಗಾರದ ಪ್ರಯೋಜನ ಪಡೆದುಕೊಳ್ಳಬೇಕಾಗಿ ಸಂಘಟಕರು ವಿನಂತಿಸಿದ್ದಾರೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ