ಕೊಲೆ ಪ್ರಕರಣ:ಇನ್ನೊಬ್ಬನ ಬಂಧನ

ಭಟ್ಕಳ: ತಾಲೂಕಿನ ಪುರವರ್ಗದ ನಿವಾಸಿ ಆಫಾನ್‌ ಕೊಲೆ ಪ್ರಕರಣದ ತನಿಖೆ ಇನ್ನಷ್ಟು ಚುರುಕು ಪಡೆದುಕೊಂಡಿದ್ದು, ಶುಕ್ರವಾರ ರಾತ್ರಿ ಮಂಗಳೂರಿನಲ್ಲಿಮತ್ತೊಬ್ಬ ಆರೋಪಿಯನ್ನು ಪೊಲೀಸರು ಬಂಧಿಸಿರುವ ಬಗ್ಗೆ ಮಾಹಿತಿ ಲಭಿಸಿದೆ.

ಮಂಗಳೂರಿನ ಮುಷರಫ್‌ ಎನ್ನುವವನನ್ನು ಬಂಧಿಸಲಾಗಿದೆ. ಇದರೊಂದಿಗೆ ಬಂಧಿತರ ಸಂಖ್ಯೆ 3ಕ್ಕೆ ಏರಿಕೆಯಾಗಿದೆ. ಶನಿವಾರ ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸುವ ನಿರೀಕ್ಷೆ ಇದೆ. ಮಹತ್ವದ ಬೆಳವಣಿಗೆಯೊಂದರಲ್ಲಿಬಂಧಿತ ಪುರವರ್ಗದ ಇಕ್ಬಾಲ್‌ ಸೇರಿದಂತೆ ಒಟ್ಟು 6 ಜನರು ಕೊಲೆ ಪ್ರಕರಣದಲ್ಲಿಭಾಗಿಯಾಗಿರುವ ಬಗ್ಗೆ ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ ಎಂದು ಮೂಲಗಳು ತಿಳಿಸಿವೆ. ಗುರುವಾರ ಬಂಧಿತನಾಗಿದ್ದ ಮಂಗಳೂರು ಬಂಟ್ವಾಳದ ಸಿರಾಜ್‌ನ ವಿಚಾರಣೆಯಿಂದ ಕೊಲೆಯ ಬಗ್ಗೆ ಒಂದು ಸ್ಪಷ್ಟ ಚಿತ್ರಣ ಪೊಲೀಸರಿಗೆ ಸಿಕ್ಕಿದ್ದು, ಇನ್ನೂ ಮೂವರನ್ನು ಬಂಧಿಸುವ ಕೆಲಸವಷ್ಟೇ ಬಾಕಿ ಉಳಿದಿದೆ. ಉಳಿದ ಮೂವರು ಆರೋಪಿಗಳು ಮಂಗಳೂರಿನಲ್ಲಿಯೇ ತಲೆ ಮರೆಸಿಕೊಂಡಿರುವ ಸಾಧ್ಯತೆಯ ಹಿನ್ನೆಲೆಯಲ್ಲಿಭಟ್ಕಳ ಪೊಲೀಸರು ಮಂಗಳೂರಿನಲ್ಲಿಬೀಡು ಬಿಟ್ಟು ಹುಡುಕಾರ ಮುಂದುವರೆಸಿದ್ದಾರೆ ಎನ್ನಲಾಗಿದೆ.