ರಾಷ್ಟ್ರೀಯ ತಂಬಾಕು ನಿಯಂತ್ರಣ ಕಾರ್ಯಕ್ರಮ

ಕಾರವಾರ : ಇಲ್ಲಿನ ತಾಲೂಕು ಆರೋಗ್ಯಾಧಿಕಾರಿ ಕಚೇರಿ ಸಭಾಂಗಭಣದಲ್ಲಿಬುಧವಾರ ರಾಷ್ಟ್ರೀಯ ತಂಬಾಕು ನಿಯಂತ್ರಣ ಕಾರ್ಯಕ್ರಮದಡಿ ವಿವಿಧ ಸಂಘ ಸಂಸ್ಥೆಗಳ ಸದಸ್ಯರಿಗೆ ಒಂದು ದಿನದ ತರಬೇತಿ ಕಾರ್ಯಾಗಾರವನ್ನು ಹಮ್ಮಿಕೊಳ್ಳಲಾಗಿತ್ತು.

ಜಿಲ್ಲಾತಂಬಾಕು ನಿಯಂತ್ರಣ ಕೋಶ ಹಾಗೂ ಬ್ಲೂಮ್‌ಬರ್ಗ್‌ ಇನಿಷಿಯೇಟಿವ್‌ ಸಂಸ್ಥೆ ಸಹಯೋಗದಲ್ಲಿಕಾರ್ಯಾಗಾರ ನಡೆಯಿತು. ಎನ್ನೆಸ್ಸೆಸ್‌, ಎನ್‌.ವೈ.ಕೆ, ರೆಡ್‌ಕ್ರಾಸ್‌, ರೋಟರಿ ಕ್ಲಬ್‌ ಹಾಗೂ ಆಝಾದ್‌ ಯೂಥ್‌ ಕ್ಲಬ್‌ ಸಂಸ್ಥೆಗಳ ಸದಸ್ಯರಿಗೆ ತಂಬಾಕು ಸೇವನೆ ವಿರುದ್ಧ ಜಾಗೃತಿ ಮೂಡಿಸುವುದೂ ಸೇರಿದಂತೆ ವಿವಿಧ ವಿಷಯಗಳ ಕುರಿತು ಮಾಹಿತಿ ನೀಡಲಾಯಿತು.

ಡಾ. ಚೇತನ ಬಿ. ಪಾಟೀಲ ಅವರು ತಂಬಾಕು ಸೇವನೆಯ ದುಷ್ಪರಿಣಾಮಗಳ ಕುರಿತು ಮಾಹಿತಿ ನೀಡಿದರು. ಕಾರ್ಯಾಗಾರದ ಅಧ್ಯಕ್ಷತೆಯನ್ನು ರೆಡ್‌ಕ್ರಾಸ್‌ ಸಂಸ್ಥೆ ಅಧ್ಯಕ್ಷ ವಿ.ಎಮ್‌ ಹೆಗಡೆ ವಹಿಸಿದ್ದರು. ಸರಕಾರಿ ಪಪೂ ಕಾಲೇಜು ಪ್ರಾಚಾರ್ಯ ರಮೇಶ ಪತ್ರೇಕರ್‌ ಉದ್ಘಾಟಿಸಿದರು. ನಜೀರ ಅಹಮ್ಮದ್‌ ಶೇಖ್‌, ಪ್ರೇಮ್‌ಕುಮಾರ್‌ ನಾಯ್ಕ, ಮಹಾಂತೇಶ ಬಿ. ಉಳ್ಳಾಗಡ್ಡಿ ಮತ್ತಿತರರು ಪಾಲ್ಗೊಂಡಿದ್ದರು.