ಬಟ್ಟೆ ಬ್ಯಾಗ್‌ ನೀಡದ ಮಶಿನ್‌!

ಗುರುದತ್ತ ಭಟ್‌ ಕಾರವಾರ: ನಗರಸಭೆ ವತಿಯಿಂದ ಪ್ಲಾಸ್ಟಿಕ್‌ ಕ್ಯಾರಿ ಬ್ಯಾಗಿಗೆ ಪರ್ಯಾಯವಾಗಿ ಬಟ್ಟೆ ಬ್ಯಾಗ್‌ ಕೊಡಲು ಅಳವಡಿಸಿದ್ದ ಬ್ಯಾಗ್‌ ವೆಂಡಿಂಗ್‌ ಮಶಿನ್‌ ಕಾರ್ಯಾರಂಭಕ್ಕೆ ಮೊದಲೇ ಹಾಳಾಗಿ ಕುಳಿತಿದೆ. ಆರಂಭದಲ್ಲಿಭಾರಿ ಸದ್ದು ಮಾಡಿ ಈಗ ಸುದ್ದಿಯಿಲ್ಲದಂತಾಗಿರುವ ಈ ಯೋಜನೆಯಿಂದ ಈಗ ಸರಕಾರದ ಹಣ ಪೋಲಾಗಿದ್ದು ಬಿಟ್ಟರೆ ಮತ್ತೇನೂ ಸಾಧನೆ ಆಗಿಲ್ಲಎಂಬುದು ಸಾರ್ವಜನಿಕರ ಆರೋಪ.

ಪ್ಲಾಸ್ಟಿಕ್‌ ವಸ್ತು ಹಾಗೂ ಕ್ಯಾರಿ ಬ್ಯಾಗ್‌ ಮೊದಲಾದವುಗಳ ಬಳಕೆಯನ್ನು ಕೇಂದ್ರ ಸರಕಾರ ನಿಷೇಧಿಸಿದೆ. ಪ್ಲಾಸ್ಟಿಕ್‌ ಬಳಕೆದಾರರ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವಂತೆ ಎಲ್ಲಸ್ಥಳೀಯ ಸಂಸ್ಥೆಗಳಿಗೆ ಮತ್ತು ಜಿಲ್ಲಾಡಳಿತಕ್ಕೆ ಸೂಚನೆ ಇದೆ. ರಸ್ತೆಯಲ್ಲಿಯಾರಾದರೂ ಪ್ಲಾಸ್ಟಿಕ್‌ ಬ್ಯಾಗ್‌ ಹಿಡಿದು ಹೋಗುವುದು ಕಂಡರೂ ಅಂಥವರ ವಿರುದ್ಧ ಪ್ರಕರಣ ದಾಖಲಿಸಲು ಅವಕಾಶವಿದೆ.

ಆದರೆ ಪ್ಲಾಸ್ಟಿಕ್‌ ಕ್ಯಾರಿಬ್ಯಾಗ್‌ಗಳ ಬಳಕೆ ಜನಜೀವನದಲ್ಲಿಹಾಸುಹೊಕ್ಕಾಗಿದೆ. ಅಲ್ಲದೇ ದೈನಂದಿನ ಜೀವನ ಊಹಿಸುವುದೇ ಕಷ್ಟ ಎಂಬಂತಾಗಿದೆ. ಈ ಹಿನ್ನೆಲೆಯಲ್ಲಿಪರ್ಯಾಯ ವ್ಯವಸ್ಥೆಯನ್ನು ಕಲ್ಪಿಸದೇ ಪ್ಲಾಸ್ಟಿಕ್‌ ಬ್ಯಾಗ್‌ ನಿಷೇಧ ಕಷ್ಟ ಎಂದು ಅರಿತ ಅಂದಿನ ನಗರಸಭೆ ಕಮೀಷನರ್‌ ಯೋಗೇಶ್ವರ ಅವರು ಬ್ಯಾಗ್‌ ವೆಂಡಿಂಗ್‌ ಮಶಿನ್‌ ಅಳವಡಿಸುವ ಚಿಂತನೆ ನಡೆಸಿದರು.

ಈ ಹಿನ್ನೆಲೆಯಲ್ಲಿಖಾಸಗಿ ಸಂಸ್ಥೆಯೊಂದರಿಂದ ಬ್ಯಾಗ್‌ ವೆಂಡಿಂಗ್‌ ಮಶಿನ್‌ ಖರೀದಿ ಮಾಡಿ, ಕಾರವಾರದ ಗ್ರೀನ್‌ ಸ್ಟ್ರೀಟ್‌ನಲ್ಲಿ1.47 ಲಕ್ಷ ರೂ. ವೆಚ್ಚದಲ್ಲಿಒಂದು ಮಶಿನ್‌ ಅಳವಡಿಸಲಾಯಿತು. ಆದರೆ ಅಳವಡಿಸಿದ 5-6 ದಿನದೊಳಗೆ ಈ ಯಂತ್ರ ಹಾಳಾಗಿದೆ. ಯಂತ್ರ ರಿಪೇರಿಯಾಗುವ ಲಕ್ಷಣ ಕಾಣುತ್ತಿಲ್ಲ.

ಮಹಿಳಾ ಸಂಘಟನೆಯ ಬ್ಯಾಗ್‌ : ಯಂತ್ರಕ್ಕೆ ಸ್ತ್ರೀ ಶಕ್ತಿ ಸಂಘದ ಮೂಲಕ ಬ್ಯಾಗ್‌ ಪೂರೈಕೆ ಮಾಡುವ ಗುತ್ತಿಗೆ ನೀಡಲಾಗಿತ್ತು. ಇದರಿಂದ ಬಡ ಮಹಿಳೆಯರ ಆರ್ಥಿಕ ಅಭಿವೃದ್ಧಿಗೂ ಸಹಕಾರಿಯಾಗಿತ್ತು. ಆದರೆ ಈಗ ಯಂತ್ರ ಕೆಲಸ ನಿಲ್ಲಿಸಿರುವುದರಿಂದ ಮಹಿಳೆಯರಿಗೂ ಕೆಲಸ ಇಲ್ಲದಾಗುತ್ತಿದೆ.

ನಗರಸಭೆಯವರು ಹೇಳೋದೇನು? : ಯಂತ್ರ ಪೂರೈಸಿರುವ ಖಾಸಗಿ ಕಂಪನಿಯ ಪೈಲೆಟ್‌ ಪ್ರಾಜೆಕ್ಟ್ ಇದಾಗಿದೆ. ಯಂತ್ರದಲ್ಲಿಸೂಕ್ಷತ್ರ್ಮ ಉಪಕರಣಗಳಿವೆ. ಕೆಲ ಕಿಡಿಗೇಡಿಗಳು ಐದು ರೂ. ಕ್ವಾಯಿನ್‌ ಆಕಾರದ ಕಬ್ಬಿಣದ ವಾಶರ್‌ಗಳನ್ನು ಯಂತ್ರದೊಳಗೆ ತೂರಿಸಿ ಬ್ಯಾಗ್‌ ಪಡೆಯಲು ಯತ್ನಿಸಿದ್ದಾರೆ. ಇದರಿಂದ ಯಂತ್ರ ಹಾಳಾಗಿದೆ. ಯಂತ್ರದೊಳಗಿನ ಸೆನ್ಸರ್‌ ಅನ್ನು ರಿಪೇರಿ ಮಾಡಿಕೊಡುವಂತೆ ಸಂಬಂಧಪಟ್ಟ ಕಂಪನಿಗೆ ತಿಳಿಸಲಾಗಿದೆ. ಸಧ್ಯದಲ್ಲೇ ಯಂತ್ರ ರಿಪೇರಿ ಆಗಲಿದೆ. ಇನ್ನು ಯಂತ್ರದ ಮೊತ್ತ 1.47 ಲಕ್ಷ ರೂ.ಗಳನ್ನು ಇನ್ನೂ ಕಂಪನಿಗೆ ಸಂದಾಯ ಮಾಡಿಲ್ಲ. ಯಂತ್ರ ಸರಿಯಾಗಿ ಕಾರ್ಯ ನಿರ್ವಹಿಸತೊಡಗಿದ ಮೇಲೆಯೇ ಹಣ ನೀಡುವ ಒಪ್ಪಂದ ಇದೆ ಎಂದು ನಗರಸಭೆ ಅಧಿಕಾರಿಗಳು ಹೇಳುತ್ತಾರೆ.

ಏನಾಗಿದೆ ವೆಂಡಿಂಗ್‌ ಮಶಿನ್‌ಗೆ ? : ವೆಂಡಿಂಗ್‌ ಮಶಿನ್‌ನೊಳಗೆ ಕಬ್ಬಿಣದ ವಾಶರ್‌ ಹಾಕಿದ ಪರಿಣಾಮ ಅದರಲ್ಲಿನ ಸೆನ್ಸರ್‌ ಸರಿಯಾಗಿ ಕೆಲಸ ಮಾಡುತ್ತಿಲ್ಲ. ಯಂತ್ರದೊಳಗೆ 5 ರೂ.ನ ಒಂದು ನಾಣ್ಯ ಹಾಕಿದರೆ ಒಂದು ಬಟ್ಟೆಯ ಬ್ಯಾಗ್‌ ಹೊರ ಬರುವ ರೀತಿ ವ್ಯವಸ್ಥೆ ಇತ್ತು. ಆದರೆ ಸೆನ್ಸರ್‌ ಕೆಟ್ಟ ಪರಿಣಾಮ ಒಂದು ನಾಣ್ಯಕ್ಕೆ ಏಳು ಬ್ಯಾಗ್‌ ಹೊರ ಬರುತ್ತಿವೆ. ಇದರಿಂದ ಲೆಕ್ಕಾಚಾರಕ್ಕಿಂತ ಕಡಿಮೆ ಮೊತ್ತದಲ್ಲಿಬ್ಯಾಗ್‌ಗಳು ಖಾಲಿ ಆಗುತ್ತಿದ್ದು ನಷ್ಟವಾಗುತ್ತಿತ್ತು. ಈ ಹಿನ್ನೆಲೆಯಲ್ಲಿಯಂತ್ರವನ್ನು ಸ್ಥಗಿತಗೊಳಿಸಿ ಇಡಲಾಗಿದೆ.