ಖಾಸಗಿ ಶಾಲೆ ಶಿಕ್ಷಕನಿಂದ ನಾಮಪತ್ರ

ಕಾರವಾರ : ಉತ್ತಮ ಪ್ರಜಾಕೀಯ ಪಕ್ಷದ ಅಭ್ಯರ್ಥಿಯಾಗಿ ಸುನೀಲ್‌ ಪವಾರ್‌ ಅವರು ಲೋಕಸಭಾ ಚುನಾವಣೆಗೆ ಕಾರವಾರದಲ್ಲಿ ಜಿಲ್ಲಾ ಚುನಾವಣಾಧಿಕಾರಿ ಬಳಿ ಸೋಮವಾರ ನಾಮಪತ್ರ ಸಲ್ಲಿಸಿದರು.

ಶಿರಸಿಯ ಹುಲೇಕಲ್‌ ರಸ್ತೆ ಕಲಗಾರದ ನಿವಾಸಿಯಾಗಿರುವ 32 ವರ್ಷದ ಸುನೀಲ್‌ ಅವರು ಬಿಎ, ಬಿಎಡ್‌ ಓದಿದ್ದು ಖಾಸಗಿ ಶಾಲೆಯ ಶಿಕ್ಷಕರಾಗಿ ಕೆಲಸ ಮಾಡುತ್ತಿದ್ದಾರೆ. ತಮ್ಮ ಹೆಸರಿನಲ್ಲಿ 30 ಸಾವಿರ ರೂ. ನಗದು ಸೇರಿದಂತೆ ಒಟ್ಟು 1,00100 ರೂ. ಚರಾಸ್ಥಿ ಹಾಗೂ ಪತ್ನಿ ಹೆಸರಿನಲ್ಲಿ 10 ಸಾವಿರ ರೂ. ನಗದು ಸೇರಿದಂತೆ 70,200 ರೂ. ಚರಾಸ್ಥಿ ಹೊಂದಿದ್ದಾರೆ. ವಿವಿಧ ಬ್ಯಾಂಕ್‌ಗಳಲ್ಲಿ ಸೇರಿ ಒಟ್ಟು 1,39,887 ರೂ. ಸಾಲ ಹೊಂದಿದ್ದಾರೆ.