ಮನೆಯಲ್ಲಿ ನರ್ಸ್‌ ಮೇಲೆ ವೃದ್ಧನಿಂದ ಅತ್ಯಾಚಾರ

ಕಾರವಾರ: ರೋಗಿಯ ಆರೈಕೆಗಾಗಿ‌ ಪುಣೆಯಿಂದ ಕಾರವಾರದ ಮನೆಯೊಂದಕ್ಕೆ ಆಗಮಿಸಿದ್ದ 39 ವರ್ಷದ ಹೋಂ ನರ್ಸ್ ಮೇಲೆ 70 ವರ್ಷದ ವೃದ್ಧನೊಬ್ಬ ಕಳೆದ‌ ಮೂರು‌‌ ದಿನದ ಹಿಂದೆ ಅತ್ಯಾಚಾರ ನಡೆಸಿದ್ದಾನೆ.

ಕಾರವಾರದ ಮಾಜಾಳಿ ಸಾವಂತವಾಡದಲ್ಲಿ ಈ ಘಟನೆ ನಡೆದಿದೆ. ದಿನಕರ ಸಾವಂತ ಎಂಬ ವೃದ್ಧ ಹೋಂ ನರ್ಸ್ ಮೇಲೆ ಅತ್ಯಾಚಾರ ನಡೆಸಿರುವ ಆರೋಪಿ.

ಆರೋಪಿಯ‌ ತಂಗಿ ಅನಾರೋಗ್ಯ ಪೀಡಿತರಾಗಿದ್ದರು. ಅವರ ಆರೈಕೆಗಾಗಿ ಪುಣೆಯಿಂದ ಹೋಂ ನರ್ಸ್‌ ಅವರನ್ನು ಮನೆಗೆ ಕರೆಸಲಾಗಿತ್ತು. ನರ್ಸ್ ಅನ್ನು ರೂಮಿಗೆ ಬಲವಂತವಾಗಿ ಎಳೆದೊಯ್ದು ವೃದ್ಧ ಅತ್ಯಾಚಾರ ನಡೆಸಿದ್ದಾನೆ. ಈ ಬಗ್ಗೆ ಸಂತ್ರಸ್ತೆ ಚಿತ್ತಾಕುಲ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ವೃದ್ಧನ ಬಂಧನಕ್ಕೆ ಪೊಲೀಸರು ಹುಡುಕಾಟ ಆರಂಭಿಸಿದ್ದಾರೆ.