ಕ್ರೀಡಾ ಚಟುವಟಿಕೆಯಲ್ಲಿ ಪಾಲ್ಗೊಳ್ಳಿ

ಯಲ್ಲಾಪುರ : ಕ್ರೀಡೆಯು ದೈಹಿಕವಾಗಿ, ಮಾನಸಿಕವಾಗಿ ಬೌದ್ಧಿಕವಾಗಿ ಶರೀರ ಬೆಳವಣಿಗೆಗೆ ಪೂರಕವಾಗಿದೆ. ಇದರ ಪ್ರಯೋಜನವನ್ನು ಪಡೆದುಕೊಳ್ಳಬೇಕು ಎಂದು ದೈಹಿಕ ಶಿಕ್ಷ ಣ ಪರಿವೀಕ್ಷ ಕರಾದ ರವೀಂದ್ರ ಕಾಪ್ಸೆ ಅವರು ಹೇಳಿದರು.

ತಾಲೂಕಿನ ಇಡಗುಂದಿ ಸಮೀಪದ ಸ್ನೇಹ ಸಾಗರ ವಸತಿ ಶಾಲೆಯಲ್ಲಿ ತಾಲೂಕು ಮಟ್ಟದ ಟೇಬಲ್‌ ಟೆನ್ನಿಸ್‌, ಶಟಲ್‌ ಬೆಡ್ಮಿಟನ್‌ ಪಂದ್ಯಾವಳಿಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು. ಪ್ರತಿ ಮಕ್ಕಳು ಜೀವನದಲ್ಲಿ ಓದುವುದರ ಜತೆಗೆ ಕ್ರೀಡಾ ಚಟುವಟಿಕೆಗಳಲ್ಲಿ ಭಾಗವಹಿಸಬೇಕು. ಸೋಲು, ಗೆಲುವು ಸಾಮಾನ್ಯವಾದದ್ದು ಅದನ್ನು ಸಮಚಿತ್ತದಿಂದ ಸ್ವಿಕರೀಸಬೇಕು ಎಂದರು. ಶಾಲಾ ವ್ಯವಸ್ಥಾಪಕ ನಿರ್ದೇಶಕ ಎಸ್‌.ಎಲ್‌ ಭಟ್‌ ಮಾತನಾಡಿ ಓದು ಮತ್ತು ಕ್ರೀಡೆಯನ್ನು ಸಮಾನವಾಗಿ ಸ್ವೀಕರಿಸಬೇಕು ಹಾಗೂ ಕ್ರೀಡಾ ಚಟುವಟಿಕೆಗಳು ದೈಹಿಕವಾಗಿ, ಮಾನಸಿಕವಾಗಿ, ಬೌದ್ಧಿಕವಾಗಿ ಶರೀರ ಬೇಳವಣಿಗೆಗೆ ಮಾರ್ಗವಾದರೆ, ಸಂಸ್ಕೃತಿಯು ಜೀವನದ ಒಂದು ಭಾಗವಾಗಿದೆ. ಕ್ರೀಡೆಯಲ್ಲಿ ಭಾಗವಹಿಸಿ ಕೀರ್ತಿಯನ್ನು ಶ್ರೇಯಸ್ಸನ್ನು ಪಡೆಯಬೇಕು ಎಂದರು. ಪ್ರಾಂಶುಪಾಲೆ ಕೆ. ಆರ್‌ ಸುಶೀಲಾ ಮಾತನಾಡಿ, ಪಂದ್ಯಾವಳಿಯ ಭಾಗವಾಗಿ ಶಿಕ್ಷ ಣ ಇಲಾಖೆಯ ಸುಯೋಗದಿಂದ ಸ್ನೇಹ ಸಾಗರ ವಸತಿ ಶಾಲೆಯ ಆವರಣದಲ್ಲಿ ಕ್ರೀಡಾ- ಪಂದ್ಯಾವಳಿ ನಡೆಯುತ್ತಿದ್ದು ಸಹಶಿಕ್ಷ ಕರ ಹಾಗೂ ದೈಹಿಕ ಶಿಕ್ಷ ಕರ ಸಹ ಮುತುವರ್ಜಿಯಿಂದ ಎಲ್ಲಾ ಕಾರ್ಯಗಳು ಸುಗುಮವಾಗಿ ನಡೆಯಲೆಂದು ಆಶಿಸಿದರು.

ಸ್ವಾತಿ ನಿರೂಪಿಸಿದಳು. ಪ್ರಥ್ವಿರಾಜ ಸ್ವಾಗತಿಸಿದನು. ಶ್ರೀದೇವಿ ವಂದಿಸಿದಳು.