ನಾಲ್ಕೇ ತಿಂಗಳಲ್ಲಿ ನಿಗದಿತ ಗುರಿಯ ಶೇ. 50ಕ್ಕೂ ಹೆಚ್ಚು ಸಾಧನೆ ವರವಾಯ್ತು ನರೇಗಾ

ಕಾರವಾರ : ಪ್ರಸಕ್ತ ಸಾಲಿನಲ್ಲಿನರೇಗಾ ಯೋಜನೆ ಜಿಲ್ಲೆಯ ಗ್ರಾಮೀಣ ಭಾಗದ ಕೂಲಿ ಕಾರ್ಮಿಕರಿಗೆ ಅಕ್ಷರಶಃ ವರವಾಗಿ ಪರಿಣಮಿಸಿದೆ. ಜಿಪಂಗೆ ನೀಡಲಾದ ನಿಗದಿತ ಗುರಿಯ ಶೇ. 50ಕ್ಕೂ ಹೆಚ್ಚು ಸಾಧನೆ ನಾಲ್ಕೇ ತಿಂಗಳಲ್ಲಿಆಗಿದೆ.

ಜಿಲ್ಲೆಗೆ ಈ ಬಾರಿ ಒಟ್ಟು 14,32,623 ಮಾನವ ದಿನಗಳ ಗುರಿ ನೀಡಲಾಗಿದೆ. ಈ ಪೈಕಿ ಆರ್ಥಿಕ ವರ್ಷ ಪ್ರಾರಂಭದ ಏಪ್ರಿಲ್‌ 1ರಿಂದ ಜುಲೈ 25ವರೆಗೆ 8,14,169 ಮಾನವ ದಿನಗಳ ಸೃಜನೆಯಾಗಿದ್ದು ಶೇ. 56.83 ಸಾಧನೆಯಾಗಿದೆ. ಕೂಲಿ ವೇತನದ ವಿಭಾದಲ್ಲಿಒಟ್ಟು 69.60 ಕೋಟಿ ಗುರಿ ಇದ್ದು 28.61 ಕೋಟಿ ರೂ. ಈಗಾಗಲೇ ಕಾರ್ಮಿಕರಿಗೆ ವೇತನ ಪಾವತಿಯಾಗಿದೆ.

ಉದ್ಯೋಗ ಪಡೆದ ಸುಶಿಕ್ಷಿತರು : ಲಾಕ್‌ಡೌನ್‌ನಿಂದಾಗಿ ಬೇರೆ ಊರುಗಳಿಂದ ವಾಪಸಾಗಿದ್ದ ಜಿಲ್ಲೆಯ ಮೂಲದ ಕಾರ್ಮಿಕರಿಗೆ ಉದ್ಯೋಗ ಖಾತ್ರಿ ಕೈ ಹಿಡಿದಿದೆ. ಇನ್ನು ಕೆಲ ಉನ್ನತ ಶಿಕ್ಷಣ ವಿದ್ಯಾರ್ಥಿಗಳು ಕೂಡ ಲಾಕ್‌ಡೌನ್‌ ಅವಧಿಯಲ್ಲಿಉದ್ಯೋಗ ಖಾತ್ರಿಯಲ್ಲಿಕೆಲಸ ಮಾಡಿ ಆದಾಯ ಗಳಿಸಿದ್ದಾರೆ. ಅಷ್ಟೇ ಅಲ್ಲದೊಡ್ಡ ನಗರಗಳಲ್ಲಿಐಟಿ ಬಿಟಿ ಕಂಪನಿಗಳ ಉದ್ಯೋಗದಲ್ಲಿದ್ದ ಕೆಲವರೂ ಸಹ ಲಾಕ್‌ಡೌನ್‌ ಅವಧಿಯಲ್ಲಿಊರಿಗೆ ಬಂದು ಉದ್ಯೋಗ ಖಾತ್ರಿಯಡಿ ಕೆಲಸ ಮಾಡುತ್ತಿದ್ದಾರೆ.

ನೀರಿನ ಅಭಾವಕ್ಕೆ ಪರಿಹಾರ : ಈ ಬಾರಿ ಬಹುತೇಕ ಜಲ ಮೂಲಗಳ ಸಂರಕ್ಷಣೆಗೆ ನರೇಗಾ ಅಡಿ ಒತ್ತು ನೀಡಲಾಗುತ್ತಿದೆ. ಕಟ್ಟೆ, ಗೋ ಕಟ್ಟೆ, ಕೆರೆ ಪುಷ್ಕರಣಿ ಮೊದಲಾದವುಗಳ ಪುನಶ್ಚೇತನದ ಕಾರ್ಯ ನಡೆದಿದೆ. 500ಕ್ಕೂ ಹೆಚ್ಚು ಜಲಮೂಲಗಳ ಸಂರಕ್ಷಣೆಯಾಗುತ್ತಿದೆ. ಇದರಿಂದ ಅತೀ ಹೆಚ್ಚು ಮಳೆ ಬೀಳುವ ಉತ್ತರ ಕನ್ನಡ ಬೇಸಿಗೆಯಲ್ಲಿಎದುರಿಸುವ ನೀರಿನ ಸಮಸ್ಯೆಗೆ ಮುಂದಿನ ದಿನಗಳಲ್ಲಿಪರಿಹಾರ ಒದಗುವ ಭರವಸೆ ಮೂಡಿದೆ.

ಜಿಲ್ಲೆಯ ವಿವಿಧ ತಾಲೂಕುಗಳಲ್ಲಿಉದ್ಯೋಗ ಖಾತ್ರಿಯಡಿ ಮಾನವ ದಿನಗಳ ಸೃಜನೆಯ ಗುರಿಯ ಶೇಕಡವಾರು ಸಾಧನೆ ಇಂತಿದೆ. ಅಂಕೋಲಾ 45.45, ಭಟ್ಕಳ 24.22, ದಾಂಡೇಲಿ 77.14, ಹಳಿಯಾಳ 94.87, ಹೊನ್ನಾವರ 40.12, ಕಾರವಾರ 44.45, ಕುಮಟಾ 51.70, ಮುಂಡಗೋಡ 53.10, ಸಿದ್ದಾಪುರ 81.13, ಶಿರಸಿ 38.25, ಜೋಯಿಡಾ 42.09, ಯಲ್ಲಾಪುರ 68.91