ಹುಲಿರಾಯ ಜನ ಜಾನುವಾರು ರಕ್ಷಿಸು

ಶಿರಸಿ : ಓ ಹುಲಿರಾಯ.., ಗ್ರಾಮದ ಜನ-ಜಾನುವಾರುಗಳ ರಕ್ಷಣೆಯೊಂದಿಗೆ, ಗದ್ದೆ-ತೋಟಗಳಿಗೆ ಯಾವುದೇ ಹಾನಿಯಾಗದಂತೆ, ಗ್ರಾಮಸ್ಥರೆಲ್ಲರೂ ಶಾಂತಿಯುತವಾಗಿ, ಸುಭಿಕ್ಷವಾಗಿ ಜೀವನ ನಡೆಸುವಂತೆ ಕಾಪಾಡೆಂದು ಗ್ರಾಮೀಣ ಭಾಗದ ಜನತೆ ದೀಪಾವಳಿಯಂದು ಒಂದೆಡೆಯಲ್ಲಿಸೇರಿ ಭಕ್ತಿಯಿಂದ ಬೇಡಿಕೊಂಡ ಪರಿಯಿದು.

ಶಿರಸಿ, ಸಿದ್ದಾಪುರ, ಯಲ್ಲಾಪುರ ತಾಲೂಕುಗಳ ಬಹುತೇಕ ಗ್ರಾಮಗಳಲ್ಲಿವ್ಯಾಘ್ರ ದೇವನಿಗೆ ವಿಶೇಷ ಪೂಜೆ ಸಲ್ಲಿಸಿ, ಹುಲಿರಾಯನಿಗೆ ಶ್ರದ್ಧಾ ಭಕ್ತಿಯಿಂದ ಗ್ರಾಮದ ರಕ್ಷಣೆಯ ಜವಾಬ್ದಾರಿಯ ಕಂಕಣ ತೊಡಿಸುವ ಧಾರ್ಮಿಕ ಕೈಂಕರ್ಯದ ಸಂಬ್ರಮ ಎಲ್ಲೆಡೆಯಲ್ಲಿನಡೆಯಿತು.

ತಾಲೂಕಿನ ಬಹುತೇಕ ಗ್ರಾಮಗಳಲ್ಲಿದೀಪಾವಳಿಯ ಕೊನೆ ದಿನ ಗ್ರಾಮದ ಜನತೆ ಶ್ರದ್ಧಾಭಕ್ತಿಯಿಂದ ಹುಲಿರಾಯನಿಗೆ ಏಕಕಾಲದಲ್ಲಿಪೂಜಾ ಕೈಂಕರ್ಯ ನೆರವೇರಿಸಿ ಗೋಪೂಜೆ ಕಾರ್ಯಕ್ಕೆ ಅಣಿಯಾದರು. ಸಂಪ್ರದಾಯದಂತೆ ಗೋವಿಗೆ ತೊಡಿಸುವ ಹೊಸ ದಾಬು, ನಾರಿನ ಹಾರವನ್ನು ಮೊದಲು ಹುಲಿರಾಯನ ಪಾದದಲ್ಲಿಟ್ಟು ಆಶಿರ್ವಾದ ಪಡೆದು ಆ ನಂತರ ಗೋವಿಗೆ ತೊಡಿಸಿ ಹಬ್ಬದ ಸಂಭ್ರಮ ಹೆಚ್ಚಿಸಿದರು.

ಸಾವಿರಾರು ವರ್ಷಗಳ ಇತಿಹಾಸ ಹೊಂದಿದ ತಾಲೂಕಿನ ಕಡಬಾಳದ ಶ್ರೀ ಕದಂಬೇಶ್ವರ ದೇವಸ್ಥಾನದ ಸಮೀಪದಲ್ಲಿನೆಲೆಸಿದ ಹುಲಿದೇವರ ಗಾಮದ ಮನೆಯಲ್ಲಿಗ್ರಾಮದ ಜನತೆ ದೀಪವಾಳಿಂದು ವಿಶೇಷ ಪೂಜೆ-ಪುನಸ್ಕಾರಗಳನ್ನು ಸಲ್ಲಿಸಿದರು.

ಬಾಲಕ್ಕೊಂದು ತೆಂಗಿನಕಾಯಿ : ದೀಪಾವಳಿಯಂದು ಗ್ರಾಮದ ಶಕ್ತಿದೇವತೆಗಳಿಗೆ ನೀಡಲಾಗುವ ವಿಶೇಷ ಪೂಜೆಗಳಲ್ಲಿಗ್ರಾಮಸ್ಥರು ಕೊಟ್ಟಿಗೆಯಲ್ಲಿನ ಜಾನುವಾರಿಗೊಂದು ಕಾಯಿಯಂತೆ ದೇವರ ನೈವೇದ್ಯಕ್ಕೆ ನೀಡುತ್ತಾರೆ. ಗೋವುಗಳ ರಕ್ಷಣೆಗೆ ದೇವರು ಸದಾ ಕಾವಲಾಗಿ ನಿಲ್ಲಲ್ಲಿಎಂಬ ಸದುದ್ಧೇಶದಿಂದ ದೀಪಾವಳಿಯಂದು ಗೋವುಗಳ ರಕ್ಷಣೆಗೆ ಬಾಲಕ್ಕೊಂದು ತೆಂಗಿನಕಾಯಿಗಳನ್ನು ಒಡೆಯುವ ಪದ್ಧತಿ ನಡೆಸಿಕೊಂಡು ಬರಲಾಗುತ್ತಿದೆ. ಈ ಬಾರಿಯ ದೀಪಾವಳಿಯಲ್ಲೂಈ ಸಂಪ್ರದಾಯ ಆಚರಿಸಲಾಯಿತು.