ಕರಾವಳಿಯಲ್ಲಿಮಳೆ ಅಬ್ಬರ

ಕಾರವಾರ : ಜಿಲ್ಲೆಯ ಕರಾವಳಿಯ ವಿವಿಧೆಡೆ ಶುಕ್ರವಾರ ಜೋರಾದ ಮಳೆ ಸುರಿದಿದೆ. ಕಾರವಾರದಲ್ಲಿಬೆಳಗ್ಗೆಯಿಂದಲೇ ದಟ್ಟ ಮೋಡ ಕವಿದ ವಾತಾವರಣವಿದ್ದು, ಮಧ್ಯಾಹ್ನದ ವೇಳೆ ತುಂತುರು ಹನಿ ಹಾಕಿತ್ತು. ಸಂಜೆ ಮಳೆಯ ಅಬ್ಬರ ಜೋರಾಗಿದೆ. ಶಾಲಾ ಕಾಲೇಜಿನ ವಿದ್ಯಾರ್ಥಿಗಳು, ವಿವಿಧ ಕಚೇರಿಗಳ ಕೆಲಸದಿಂದ ಮನೆಗೆ ತೆರಳುತ್ತಿದ್ದ ಉದ್ಯೋಗಿಗಳು ತೊಂದರೆ ಅನುಭವಿಸಿದರು.

ಅಂಕೋಲಾದಲ್ಲಿಬೆಳಗ್ಗೆಯಿಂದ ಹಿಡಿದ ಜಿಟಿ ಜಿಟಿ ಮಳೆ ಸಂಜೆಯವರೆಗೂ ಎಡೆಬಿಡದೆ ಸುರಿದಿದೆ. ಹೊನ್ನಾವರದಲ್ಲಿಮಧ್ಯಾಹ್ನದಿಂದ ಮಳೆ ಜೋರಾಗಿ ಬಿದ್ದಿದೆ. ಭಟ್ಕಳದಲ್ಲಿಹಗಲು ಮೋಡ ಕವಿದ ವಾತಾವರಣವಿದ್ದು ಆಗಾಗ ತುಂತುರು ಮಳೆಯಾಗಿದೆ. ಸಂಜೆಯ ವೇಳೆಗೆ ಮಳೆ ಚುರುಕಾಗಿ ಸುರಿಯಿತು.