ಪೊಲೀಸ್‌ ಠಾಣೆಯಲ್ಲಿ ರಕ್ಷಾ ಬಂಧನ

ಶಿರಸಿ : ಅಣ್ಣತಂಗಿಯರ ಅನುಬಂಧದ ರಕ್ಷಾಬಂಧನ ಹಬ್ಬವನ್ನು ತಾಲೂಕಿನಾದ್ಯಂತ ಸಂಭ್ರಮ, ಸಡಗರದಿಂದ ಆಚರಿಸಲಾಯಿತು. ಬಿಜೆಪಿ ಮಹಿಳಾ ಪ್ರಮುಖರು ನಗರದ ಪೊಲೀಸ್‌ ಠಾಣೆಗಳಿಗೆ ತೆರಳಿ ಪೊಲೀಸ್‌ ಅಧಿಕಾರಿ, ಸಿಬ್ಬಂದಿಗೆ ರಾಖಿ ಹಂಚಿದರು.

ಸಾಮಾಜಿಕ ಅಂತರ ಕಾಪಾಡುವ ಉದ್ದೇಶದಿಂದ ಠಾಣೆಯ ಹೊರಭಾಗದಲ್ಲಿಸಿಬ್ಬಂದಿಗೆ ರಾಖಿ ಹಂಚಿ ಸಿಹಿ ವಿತರಿಸಲಾಯಿತು. ಮಹಿಳಾ ಮೋರ್ಚಾ ಅಧ್ಯಕ್ಷೆ ಕವಿತಾ ಭಟ್ಟ, ಜಿಪಂ ಸದಸ್ಯೆ ಉಷಾ ಹೆಗಡೆ, ವೀಣಾ ಭಟ್ಟ ಮುಂತಾದವರು ಇದ್ದರು.

ಮನೆಮನೆಗಳಲ್ಲಿರಕ್ಷಾಬಂಧನ : ಕೊರೊನಾ ಹಿನ್ನೆಲೆಯಲ್ಲಿರಕ್ಷಾಬಂಧನ ಹಬ್ಬವನ್ನು ಮನೆಮನೆಗಳಲ್ಲಿಯೇ ಸೀಮಿತವಾಗಿ ಆಚರಿಸಲಾಯಿತು. ಸಹೋದರಿಯರು ತಮ್ಮ ಸಹೋದರರಿಗೆ ರಾಖಿ ಕಟ್ಟಿದರು. ಮನೆಯಲ್ಲಿಸಿಹಿ ಹಂಚಿ ಸಂಭ್ರಮಿಸಿದರು. ಸಹೋದರರು ದೂರದ ಊರಿನಲ್ಲಿದ್ದರೆ ಅವರಿಗೆ ದೂರವಾಣಿ ಕರೆ ಮಾಡಿ ಶುಭಾಶಯ ಕೋರಿದರು.