ಕದಂಬದಿಂದ ಬಾಳೆಹಣ್ಣಿನ ಚಾಕಲೇಟ್‌ ಬಿಡುಗಡೆ

ಶಿರಸಿ: ಕೃಷಿ ಉಪ ಉತ್ಪನ್ನಗಳಿಗೆ ಮಾರುಕಟ್ಟೆ ಒದಗಿಸುತ್ತಿರುವ ಇಲ್ಲಿಯ ಕದಂಬ ಮಾರ್ಕೆಟಿಂಗ್‌ ಸೌಹಾರ್ದ ಸಹಕಾರಿ ಸಂಘವು ಬಾಳೆಹಣ್ಣಿನ ಚಾಕಲೇಟ್‌ ಹೊರತಂದಿದೆ. ನೆಲಸಿರಿ ಬ್ರ್ಯಾಂಡ್‌ನಲ್ಲಿಹೊರತಂದ ಚಾಕಲೇಟ್‌ಅನ್ನು ಕೃಷಿ ಸಚಿವ ಬಿ.ಸಿ.ಪಾಟೀಲ್‌ ಹಾಗೂ ಸಚಿವ ಶಿವರಾಮ ಹೆಬ್ಬಾರ್‌ ಸೋಮವಾರ ಬಿಡುಗಡೆಗೊಳಿಸಿದರು.

ಲಾಕ್‌ಡೌನ್‌ ಸಂದರ್ಭದಲ್ಲಿಬಾಳೆ ಬೆಳೆ ಮಾರಾಟಕ್ಕೆ ಫಜೀತಿಗೊಳಗಾಗಿದ್ದ ರೈತರಿಗೆ ಬಾಳೆಕಾಯಿ ಟೆಂಡರ್‌ ಪ್ರಕ್ರಿಯೆ ಆರಂಭಿಸಿದೆ. ಇದಕ್ಕೂ ಸಚಿವದ್ವಯರು ಚಾಲನೆ ನೀಡಿದರು. ಕದಂಬ ಬ್ರ್ಯಾಂಡ್‌ ನಲ್ಲಿಸಾವಯವ ಬಾಳೆಹಣ್ಣಿನ ಮಾರುಕಟ್ಟೆ ಮಾಡುತ್ತಿರುವ ಬಗ್ಗೆ ಮಾಹಿತಿ ಪಡೆದರು. ಟೆಂಡರ್‌ಗೆ 300 ಕ್ವಿಂಟಲ್‌ಗೂ ಅಧಿಕ ಬಾಳೆಕಾಯಿ ಬಂದಿತ್ತು. 20ಕ್ಕೂ ಹೆಚ್ಚು ವ್ಯಾಪಾರಸ್ಥರು ಭಾಗಿಯಾಗಿದ್ದರು.

ಶಾಸಕರಾದ ಸುನೀಲ್‌ ನಾಯ್ಕ, ರೂಪಾಲಿ ನಾಯಕ್‌, ಜಿಲ್ಲಾಧಿಕಾರಿ ಡಾ.ಹರೀಶಕುಮಾರ, ಜಿಪಂ ಮುಖ್ಯಕಾರ್ನಿರ್ವಹಣಾಧಿಕಾರಿ ಎಂ.ರೋಶನ್‌, ಜೀವವೈವಿಧ್ಯ ಮಂಡಳಿ ಅಧ್ಯಕ್ಷ ಅನಂತ ಹೆಗಡೆ ಅಶೀಸರ, ಮಾಜಿ ಶಾಸಕ ವಿ ಎಸ್‌ ಪಾಟೀಲ್‌, ಜಿ.ಪಂ ಸದಸ್ಯೆ ಉಷಾ ಹೆಗಡೆ ಇದ್ದರು.