ಬೇಡಿಕೆ ಈಡೇರಿಕೆಗೆ ಮನವಿ

ಮುಂಡಗೋಡ: ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಒತ್ತಾಯಿಸಿ ಕರ್ನಾಟಕ ಪ್ರಾಂತ ಕೃಷಿ ಕೂಲಿಕಾರರ ಸಂಘದವರು ತಹಸೀಲ್ದಾರ್‌ ಮೂಲಕ ಮುಖ್ಯಮಂತ್ರಿಗೆ ಗುರುವಾರ ಮನವಿ ಸಲ್ಲಿಸಿದರು.

ಉದ್ಯೋಗ ಖಾತ್ರಿ ಯೋಜನೆಯಡಿ ಒಬ್ಬ ಕೂಲಿಕಾರನಿಗೆ ಕೆಲಸ ನಿಗದಿಪಡಿಸದೆ ಅವನು ಕೇಳಿದಷ್ಟು ಕೂಲಿ ಕೆಲಸ ನೀಡಬೇಕು. ಕೂಲಿ ಕೆಲಸ ಮಾಡಿದವರಿಗೆ ವಾರಕ್ಕೂಮ್ಮೆ ಕೂಲಿ ವೇತನ ನೀಡಬೇಕು. ಕೆಲಸ ಮಾಡಿರುವುದನ್ನು ಕೂಲಿಕಾರರ ಎದುರು ಅಳತೆ ಮಾಡಬೇಕು. ವೃದ್ಧರಿಗೆ, ವಿಶೇಷಚೇತನರಿಗೆ ಶೇ.30ರಷ್ಟು ಕೆಲಸದ ಪ್ರಮಾಣ ನಿಗದಿಪಡಿಸಬೇಕು. ಬರಪೀಡಿತ ಪ್ರದೇಶಗಳಲ್ಲಿ ವರ್ಷಕ್ಕೆ 250ದಿನ ಕೂಲಿ ಕೆಲಸ ನೀಡಬೇಕು. ಕೆಲಸ ನೀಡದಿದ್ದರೆ ನಿರುದ್ಯೋಗ ಭತ್ಯೆ ನೀಡಬೇಕು. 30ದಿನದ ಕೆಲಸಕ್ಕೆ ಕನಿಷ್ಟ 18ಸಾವಿರ ರೂ. ವೇತನ ನೀಡಬೇಕು. 100ದಿನ ಕೂಲಿ ಕೆಲಸ ಮಾಡಿದವರಿಗೆ ಬಹುಮಾನ ವಿತರಿಸಬೇಕು ಎಂದು ಅವರು ಮನವಿಯಲ್ಲಿ ತಿಳಿಸಿದ್ದಾರೆ.

ಕೂಲಿಕಾರರ ಸಂಘದ ಅಧ್ಯಕ್ಷ ಭೀಮಣ್ಣ ಭೋವಿ ನೇತೃತ್ವದಲ್ಲಿ ಮನವಿ ಸಲ್ಲಿಸಲಾಯಿತು.