ಪಾಲಿಸಿದರೆ ಪಾಲು ಹಣ ನೀಡಲು ಆಗ್ರಹ

ಶಿರಸಿ: ಜಿಲ್ಲೆಯ ಗ್ರಾಮ ಅರಣ್ಯ ಸಮಿತಿಗಳಿಗೆ ಪಾಲಿಸಿದರೆ ಪಾಲು ಒಪ್ಪಂದದಂತೆ ಅರಣ್ಯ ಇಲಾಖೆ ಸುಮಾರು ನಾಲ್ಕು ಕೋಟಿ ರೂ.ವಿತರಣೆ ಮಾಡಬೇಕಾಗಿದ್ದು 2 ವರ್ಷಗಳಿಂದ ಈ ಅನುದಾನ ವಿತರಣೆ ಮಾಡಿಲ್ಲ. ಇದನ್ನು ತಕ್ಷ ಣ ವಿತರಿಸಬೇಕು ಎಂದು ಕೆನರಾ ವೃತ್ತ ಮುಖ್ಯ ಅರಣ್ಯ ಅಧಿಕಾರಿಯನ್ನು ವೃಕ್ಷ ಲಕ್ಷ ಆಂದೋಲನ ಸಂಘಟನೆ ಆಗ್ರಹಿಸಿದೆ.

ಇದರಿಂದ ಗ್ರಾಮ ಅಭಿವೃದ್ಧಿ ಕಾರ್ಯಗಳು, ಮಹಿಳಾ ಹಸಿರು ಚಟುವಟಿಕೆಗಳು, ನರ್ಸರಿ, ವನೀಕರಣ, ಜಲಸಂವರ್ಧನೆ, ಸೋಲಾರ್‌ ಸೌಲಭ್ಯ ನೀಡಿಕೆ, ಪರಿಸರ ಜಾಗೃತಿ ಕಾರ್ಯಗಳಿಗೆ ಹಿನ್ನಡೆ ಆಗಿವೆ. ಜಿಲ್ಲೆಯ ಅರಣ್ಯಇಲಾಖೆ ವಿಭಾಗದಲ್ಲಿ ಹಣ ಇದೆ. ರಾಜ್ಯ ಸರಕಾರ ಬಿಡುಗಡೆ ಮಾಡಬೇಕಿಲ್ಲ. ಹೀಗಿರುವಾಗ ಗ್ರಾಮ ಅರಣ್ಯ ಸಮಿತಿಗಳನ್ನು ಸತಾಯಿಸಬೇಡಿ. ತಕ್ಷ ಣ ವಿತರಣೆ ಮಾಡುವಂತೆ ಆಗ್ರಹಿಸಿದೆ.