ಕಂದಾಯ ನಿರೀಕ್ಷಕ ಎಸಿಬಿ ಬಲೆಗೆ

ಜೋಯಿಡಾ (ಉತ್ತರ ಕನ್ನಡ) : ಜಮೀನು ವಾಟನಿ ಮಾಡಿ ಕೊಡಲು ಮಹಿಳೆಯಿಂದ ಲಂಚ ಪಡೆಯುತ್ತಿದ್ದ ರಾಮನಗರ ಕಂದಾಯ ನಿರೀಕ್ಷ ಕ ಎ.ವಿ.ಪಾಟೀಲ್‌ ಬುಧವಾರ ಎಸಿಬಿ ಬಲೆಗೆ ಬಿದ್ದಿದ್ದಾರೆ.

ರಾಮನಗರದ ಶೈಲಾ ಭೀಮಾ ಸೋಲೆಕರ ಎಂಬ ಮಹಿಳೆ ತನ್ನ ಗಂಡನ ಹೆಸರಿಗೆ ಇರುವ ಜಮೀನಿನ ವಾಟನಿ ಮಾಡಿಸಲು ಕಳೆದ ಅನೇಕ ದಿನಗಳಿಂದ ಕಂದಾಯ ನಿರೀಕ್ಷ ಕ ಕಚೇರಿಗೆ ಅಲೆದಾಡುತ್ತಿದ್ದರು. ಪತಿ ಪಾಶ್ರ್ವವಾಯು ಪೀಡಿತರಾಗಿದ್ದರಿಂದ ಮನೆಯ ಎಲ್ಲ ಜವಾಬ್ದಾರಿ ಇವರ ಮೇಲೆಯೇ ಇತ್ತು.

ಮಂಗಳವಾರವೂ ಶೈಲಾ ನಾಡಕಚೇರಿಗೆ ಬಂದು ವಿಭಾಗ ಪತ್ರ ಮಾಡಿಕೊಡುವಂತೆ ವಿನಂತಿಸಿದ್ದಾರೆ. ಆಗ ಕಂದಾಯ ನಿರೀಕ್ಷ ಕ ಪಾಟೀಲ್‌ 2 ಸಾವಿರ ರೂ. ಲಂಚ ಕೇಳಿದ್ದಾರೆ. ನಂತರ ಈ ಮಹಿಳೆ ಕಾಳಿ ಬ್ರಿಗೇಡ್‌ ಸಂಚಾಲಕ ರವಿ ರೆಡಕರ ಹಾಗೂ ವಕೀಲರಾದ ಸುನಿಲ ದೇಸಾಯಿ, ಹರೀಶ್‌ ಭಟ್‌, ನಾರಾಯಣ ಹೆಬ್ಬಾರ ಇವರನ್ನು ಸಂಪರ್ಕಿಸಿ ವಿಷಯ ತಿಳಿಸಿದ್ದಾರೆ. ಆಗ ಕಾಳಿ ಬ್ರೀಗೆಡ್‌ನ ಮುಖ್ಯಸ್ಥರು ಎಸಿಬಿಗೆ ಮಾಹಿತಿ ನೀಡಿದ್ದಾರೆ. ರಾಮನಗರಕ್ಕೆ ಬುಧವಾರ ಬಂದ ಎಸಿಬಿ ತಂಡದವರು ದಾಳಿ ನಡೆಸಿದ್ದಾರೆ.

ಕಾರವಾರ ಎಸಿಬಿ ಡಿವೈಎಸ್ಪಿ ಎಸ್‌.ವಿ. ಗಿರೀಶ, ಪಿಐ ಸದಾಶಿವ ಕಟ್ಟಿಮನಿ, ಸಿಬ್ಬಂದಿಗಳಾದ ರಾಜೇಶ್‌, ಪ್ರಭು, ಶ್ರೀಕೃಷ್ಣ ಬಾಳೆಗದ್ದೆ, ಪ್ರಸಾದ ನಾಯ್ಕ, ಉಷಾ ಗೌಡ, ಮಂಜುನಾಥ ಮಡಿವಾಳ ಮುಂತಾದವರು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.