1ಲಕ್ಷ ರೂ.ವಂಚನೆ: ದೂರು

ಶಿರಸಿ: ಪ್ರಭಾವಿ ವ್ಯಕ್ತಿಗಳ ಮೂಲಕ ಸರಕಾರಿ ಉದ್ಯೋಗ ಕೊಡಿಸುವುದಾಗಿ ಹಣ ಪಡೆದು 1ಲಕ್ಷ ರೂ.ವಂಚಿಸಿರುವ ಬಗ್ಗೆ ಇಲ್ಲಿಯ ಗ್ರಾಮೀಣ ಠಾಣೆಯಲ್ಲಿ ದೂರು ದಾಖಲಾಗಿದೆ.

ತನ್ನ ಮಗ ದಯಾನಂದ ನಾಯ್ಕಗೆ ಉದ್ಯೋಗ ಕೊಡಿಸಲು ಬಕ್ಕಳದ ರಾಜರಾಜ ಜಿ.ಭಟ್‌ ತನ್ನನ್ನು ನಂಬಿಸಿ ಮಂಗಳೂರಿನ ಪ್ರವೀಣ ಬಿ.ಜಿ., ಮೈಸೂರಿನ ಶಂಕರ ಶೆಟ್ಟಿ ಅವರಿಗೆ 9 ಲಕ್ಷ ರೂ. ಕೊಡಿಸಿದ್ದರು. ಆದರೆ ನೌಕರಿ ಕೊಡಿಸದ ಕಾರಣ ಹಣವನ್ನು ವಾಪಸ್‌ ಕೇಳಿದ್ದು ಒಟ್ಟು 8 ಲಕ್ಷ ರೂ. ವಾಪಸ್‌ ನೀಡಿದ್ದಾರೆ. ಇನ್ನುಳಿದ 1 ಲಕ್ಷ ರೂ. ವಾಪಸ್‌ ನೀಡದೇ ಸತಾಯಿಸುತ್ತಿದ್ದಾರೆ ಎಂದು ತಾಲೂಕಿನ ಸೋಂದಾ ಔಡಾಳದ ರಾಮಾ ಚಿಕ್ಕಾ ನಾಯ್ಕ ಗ್ರಾಮೀಣ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.