ಮುಂಡಗೋಡ: 15 ದಿನ ಸಲೂನ್‌ ಬಂದ್‌ಗೆ ನಿರ್ಧಾರ

ಮುಂಡಗೋಡ: ತಾಲೂಕಿನಲ್ಲಿಕೋವಿಡ್‌ ಪ್ರಕರಣಗಳು ಹೆಚ್ಚಾಗುತ್ತಿರುವ ಕಾರಣ ಹದಿನೈದು ದಿನ ಕಟಿಂಗ್‌ ಶಾಪ್‌(ಸಲೂನ್‌)ಗಳನ್ನು ಬಂದ್‌ ಮಾಡಲಾಗುವುದು ಎಂದು ಹಡಪದ ಸಮಾಜದವರು ತಹಸೀಲ್ದಾರ್‌ಗೆ ಶನಿವಾರ ಮನವಿ ಸಲ್ಲಿಸಿದ್ದಾರೆ.

ತಾಲೂಕಿನಲ್ಲಿ ದಿನದಿಂದ ದಿನಕ್ಕೆ ಕೋವಿಡ್‌ ಪ್ರಕರಣಗಳಳು ಹೆಚ್ಚಾಗುತ್ತಿದ್ದು ಇದರಿಂದ ನಮಗೆ ಭಯವಾಗುತ್ತೀದೆ ನಾವು ಬಡ ಕುಟುಂಬದವರಿದ್ದು ಈ ಉದ್ಯೋಗದಿಂದಲೇ ನಮ್ಮ ಕುಟುಂಬಗಳ ನಿರ್ವಹಣೆ ಮಾಡುತ್ತಿದ್ದೇವೆ.ಆದರೆ ಕೋವಿಡ್‌ ಕಾಯಿಲೆ ಹತೋಟಿಗೆ ಬರುವ ಲಕ್ಷಣಗಳು ಕಾಣುತ್ತಿಲ್ಲಆದ್ದರಿಂದ ನಾವು ಸದ್ಯ ಹದಿನೈದು ದಿನ ನಮ್ಮ ಕಟಿಂಗ್‌ ಶಾಪ್‌ಗಳನ್ನು ಬಂದ್‌ ಮಾಡಲು ನಿರ್ಧರಿಸಿದ್ದೆವೆ.

ಜು.11ರಿಂದ 25ರ ವರೆಗೆ ತಾಲೂಕಿನಲ್ಲಿನ ಎಲ್ಲ ಹೇರ್‌ ಕಟಿಂಗ್‌ ಶಾಪ್‌ಗಳನ್ನು ಬಂದ್‌ ಮಾಡುತ್ತಿದ್ದು ಮುಂದೆ ಶಾಪ್‌ಗಳನ್ನು ಆರಂಭಿಸುವ ವೇಳೆ ನಮಗೆ ಪಿಪಿಇ ಕಿಟ್‌ಗಳನ್ನು ಸರಕಾರದಿಂದ ಉಚಿತವಾಗಿ ನೀಡಬೇಕು ಎಂದು ಅವರು ನೀಡಿದ ಮನವಿಯಲ್ಲಿ ತಿಳಿಸಿದ್ದಾರೆ.

ಈ ವೇಳೆ ಹಡಪದ ಸಮಾಜದ ಜಿಲ್ಲಾಧ್ಯಕ್ಷ ಸಿದ್ದಪ್ಪ ಹಡಪದ, ಮಂಜುನಾಥ ಹಡಪದ, ಮಹೇಶ ಹಡಪದ, ಮಂಜುನಾಥ, ಮಲ್ಲಿಕಾರ್ಜುನ ಜಗದೀಶ ಮುಂತಾವರಿದ್ದರು.