ಗಂಗಾವಳಿಯಲ್ಲಿ ಸ್ಕೂಲ್‌ ಬ್ಯಾಗ್‌ ವಿತರಣೆ

ಗೋಕರ್ಣ: ಸಮೀಪದ ನಾಡುಮಾಸ್ಕೇರಿ ಪಂಚಾಯಿತಿ ವ್ಯಾಪ್ತಿಯ ಗಂಗಾವಳಿಯ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ದಿ.ಅಭಿಜಿತ್‌ ಶ್ರೀನಿವಾಸ್‌ ನಾಯಕ ಅವರ ಸ್ಮರಣಾರ್ಥ ಸ್ಕೂಲ್‌ ಬ್ಯಾಗ್‌ ವಿತರಣೆ ಕಾರ್ಯಕ್ರಮ ನಡೆಯಿತು.

ನಾಡುಮಾಸ್ಕೇರಿ ಗ್ರಾಪಂ ಸದಸ್ಯ, ಕಾರ್ಯಕ್ರಮದ ಪ್ರಾಯೋಜಕ ಶ್ರೀನಿವಾಸ್‌ ದೇವಣ್ಣ ನಾಯಕ ಕಾರ್ಯಕ್ರಮ ಉದ್ಘಾಟಿಸಿದರು. ಅಧ್ಯಕ್ಷ ತೆ ವಹಿಸಿ ಮಾತನಾಡಿದ ಕುಮಟಾ-ಹೊನ್ನಾವರ ಕ್ಷೇತ್ರದ ಶಾಸಕ ದಿನಕರ ಶೆಟ್ಟಿ, ಶ್ರೀನಿವಾಸ ನಾಯಕ ಅವರು ತಮ್ಮ ಮಗ ದಿ. ಅಭಿಜಿತ್‌ ನಾಯಕರ ಸ್ಮರಣಾರ್ಥ ಹಲವಾರು ಸಾಮಾಜಿಕ ಕಾರ್ಯ ಹಮ್ಮಿಕೊಳ್ಳುತ್ತಾ ಬಂದಿದ್ದು ಇಂದು ಮಕ್ಕಳಿಗೆ ಸ್ಕೂಲ್‌ ಬ್ಯಾಗ್‌ ವಿತರಣೆ ಮಾಡುವ ಮೂಲಕ ಸಾಮಾಜಿಕ ಕಳಕಳಿ ಮೆರೆದಿದ್ದಾರೆ ಎಂದರು.

ಅತಿಥಿಗಳಾಗಿ ಗೋಕರ್ಣ ವೈದ್ಯಾಧಿಕಾರಿ ಜಗದೀಶ್‌ ನಾಯ್ಕ, ನಾಡುಮಾಸ್ಕೇರಿ ತಾ.ಪಂ. ಸದಸ್ಯ ರಾಜೇಶ್‌ ನಾಯಕ, ಮುಖ್ಯಾಧ್ಯಾಪಕಿ ಪದ್ಮ ನಾಯಕ, ಮುಖ್ಯಾಧ್ಯಾಪಕ ಗಂಗಾಧರ ಭಟ್‌, ಉದ್ಯಮಿ ಆನಂದ ಕವರಿ, ಗ್ರಾಪಂ ಸದಸ್ಯ ಗಣೇಶ್‌ ಗೌಡ, ಮೀನುಗಾರಿಕಾ ಸಹಕಾರಿ ಸಂಘದ ನಿರ್ದೇಶಕಿ ಭಾರತಿ ಚಂದ್ರು ಅಂಬಿಗ, ಪ್ರೌಢಶಾಲೆ ಉಪಾಧ್ಯಕ್ಷ ಅರುಣ, ಹಿರಿಯರಾದ ನಾರಾಯಣ ರಾಕುಮನೆ ಮತ್ತಿತರರು ಉಪಸ್ಥಿತರಿದ್ದರು. ಎಸ್‌.ಎಸ್‌.ಹೆಗಡೆ ಕುಮಟಾ ನಿರೂಪಿಸಿದರು.