ಸ್ವಯಂ ಪ್ರೇರಿತ ರಕ್ತದಾನ ಶಿಬಿರ

ಹಳಿಯಾಳ : ವಿ.ಆರ್‌.ದೇಶಪಾಂಡೆ ಮೆಮೋರಿಯಲ್‌ ಟ್ರಸ್ಟ್‌ನ ಅಧ್ಯಕ್ಷ ಆರ್‌.ವಿ.ದೇಶಪಾಂಡೆ ಅವರ ಹುಟ್ಟು ಹಬ್ಬದ ಅಂಗವಾಗಿ ದೇಶಪಾಂಡೆ ಖಾಸಗಿ ಕೈಗಾರಿಕಾ ತರಬೇತಿ ಸಂಸ್ಥೆಯಲ್ಲಿ, ಕೆ.ಎಲ್‌.ಇ, ಬ್ಲಡ್‌ ಬ್ಯಾಂಕ್‌ ಬೆಳಗಾವಿ, ಕೆನರಾ ಬ್ಯಾಂಕ್‌ ದೇಶಪಾಂಡೆ ಆರ್‌ಸೆಟಿ ಮತ್ತು ದೇಶಪಾಂಡೆ ಖಾಸಗಿ ಕೈಗಾರಿಕಾ ತರಬೇತಿ ಸಂಸ್ಥೆಯ ಎನ್‌.ಎಸ್‌.ಎಸ್‌. ಘಟಕ ಇವುಗಳ ಆಶ್ರಯದಲ್ಲ ಸ್ವಯಂ ಪ್ರೇರಿತ ರಕ್ತದಾನ ಶಿಬಿರವನ್ನು ಏರ್ಪಡಿಸಲಾಗಿತ್ತು.

ವಿ.ಡಿ.ಐ.ಟಿ. ಅಕಾಡೆಮಿಕ್‌ ಡೀನ್‌ ಎ.ಎಸ್‌.ಮಿಶ್ರೀಕೋಟಿ, ರೋಟರಿ ಬ್ಲಡ್‌ ಬ್ಯಾಂಕ್‌ ನವನಗರ ಹುಬ್ಬಳ್ಳಿಯ ಡಾ.ಹಳ್ಳಿಕೇರಿ, ಹಾಗೂ ಇಲ್ಲಿಯ ಲಯನ್ಸ್‌ ಕ್ಲಬ್‌ನ ಅಧ್ಯಕ್ಷ ಎಮ್‌.ಆರ್‌.ಹಿರೇಮಠ,ಆರ್‌.ವೈ.ಘಟಕಾಂಬಳೆ, ಕೆ.ಎಲ್‌.ಇ. ಬ್ಲಡ್‌ ಬ್ಯಾಂಕ್‌ ವೈದ್ಯಾಧಿಕಾರಿ ಹಾಗೂ ಸಿಬ್ಬಂದಿ ವರ್ಗ, ಪ್ರಾಂಶುಪಾಲ ದಿನೇಶ ನಾಯಕ, ತರಬೇತಿ ಅಧಿಕಾರಿ ನಂದಕುಮಾರ ತೋರಸ್ಕರ ಇದ್ದರು. ಈ ಸಂದರ್ಭದಲ್ಲಿ ವಿ.ಡಿ.ಐ.ಟಿ. 67 ಜನ ವಿದ್ಯಾರ್ಥಿಗಳು ಮತ್ತು ಸಿಬ್ಬಂದಿ ವರ್ಗದವರು ರಕ್ತದಾನ ಶಿಬಿರದಲ್ಲಿ ಪಾಲ್ಗೊಂಡು ಸ್ವಯಂ ಪ್ರೇರಿತರಾಗಿ ರಕ್ತದಾನ ಮಾಡಿದರು.