ಲೈಂಗಿಕ ದೌರ್ಜನ್ಯ ಯತ್ನ

ಮುಂಡಗೋಡ: ಹದಿನೇಳು ವರ್ಷದ ಬಾಲಕನೊಬ್ಬ ನಾಲ್ಕೂವರೆ ವರ್ಷದ ಹೆಣ್ಣುಮಗುವನ್ನು ಮನೆಗೆ ಕರೆದುಕೊಂಡು ಹೋಗಿ ಲೈಂಗಿಕ ದೌರ್ಜನ್ಯಕ್ಕೆ ಯತ್ನಿಸಿದ ಘಟನೆ ತಾಲೂಕಿನ ಓಣಿಕೇರಿ ಗ್ರಾಮದಲ್ಲಿ ನಡೆದಿದೆ.

17 ವರ್ಷದ ಬಾಲಕನೊಬ್ಬ ಪಕ್ಕದ ಮನೆಯ ಹೆಣ್ಣುಮಗುವನ್ನು ತನ್ನ ಮನೆಯ ಒಳಗೆ ಕರೆದುಕೊಂಡು ಹೋಗಿ ಮನೆಯ ಬಾಗಿಲು ಹಾಕಿ ಬಾಲಕಿಯ ಒಳ ಉಡುಪನ್ನು ತೆಗೆದಾಗ ಬಾಲಕಿ ಹೆದರಿ ಚೀರಾಡಲು ಆರಂಭಿಸಿದ್ದಾಳೆ. ಅದೇ ವೇಳೆಗೆ ಕೂಲಿ ಕೆಲಸ ಮಾಡಿ ಮನೆಗೆ ಬಂದ ಪಾಲಕರು ತಮ್ಮ ಮಗಳು ಮನೆಯಲ್ಲಿ ಇಲ್ಲದಿರುವುದನ್ನು ನೋಡಿ, ಅಕ್ಕ-ಪಕ್ಕದ ಮನೆಗಳಲ್ಲಿ ಹುಡುಕಾಟ ಆರಂಭಿಸಿದ್ದಾರೆ. ಬಾಲಕಿ ಕೂಗಿದ ಶಬ್ದ ಕೇಳಿ ಬಂದಿದೆ. ಆಗ ಬಾಗಿಲು ಬಡಿದು ನೋಡಿದಾಗ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯವಾಗಿರುವುದು ಕಂಡು ಬಂದಿದ್ದು, ನಂತರ ಮಗುವಿನ ಪಾಲಕರು ಮುಂಡಗೋಡ ಪೊಲೀಸ್‌ ಠಾಣೆಗೆ ಮಾಹಿತಿ ನೀಡಿದ್ದಾರೆ.

ಈ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿಯನ್ನು ವಶಕ್ಕೆ ಪಡೆದುಕೊಂಡು ಕ್ರಮ ಕೈಗೊಂಡಿದ್ದಾರೆ.