ಶಿರಸಿ ಇನ್ನರ್‌ವ್ಹೀಲ್‌ ಕ್ಲಬ್‌ ಪದಗ್ರಹಣ

ಶಿರಸಿ : ಇನ್ನರ್‌ವೀಲ್‌ ಕ್ಲಬ್‌ನ ಪ್ರಸಕ್ತ ಸಾಲಿನ ನೂತನ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭ ಇಲ್ಲಿಯ ಭಾರತೀಯ ವೈದ್ಯಕೀಯ ಸಂಘದ ಸುವರ್ಣಸೌಧದಲ್ಲಿ ನೆರವೇರಿತು. ಕ್ಲಬ್ಬಿನ ಪಿ.ಡಿ.ಸಿ ಉಷಾ ಗೌಡರ್‌ ಪ್ರಮಾಣವಚನ ಬೋಧಿಸಿದರು. ನೂತನ ಅಧ್ಯಕ್ಷರಾಗಿ ಜಾಹ್ನವಿ ಹೆಗಡೆ, ಕಾರ್ಯದರ್ಶಿಯಾಗಿ ಸೌಜನ್ಯ ತೇಲಂಗ್‌, ಖಜಾಂಚಿಯಾಗಿ ರಾಜಲಕ್ಷ್ಮಿ ಹೆಗಡೆ, ಐ.ಎಸ್‌.ಒ. ಆಗಿ ಮೊನಿಕಾ ಡಿಸೊಜಾ, ಕ್ಲಬ್ಬಿನ ಎಡಿಟರ್‌ ಆಗಿ

ಪೂರ್ಣಿಮಾ ಶೆಟ್ಟಿ ಮುಂತಾದವರು ಪದಗ್ರಹಣ ಸ್ವೀಕರಿಸಿದರು. ಬಡ ವಿದ್ಯಾರ್ಥಿಗಳಿಗೆ ನೋಟ್‌ ಬುಕ್‌, ಸ್ಕೂಲ್‌ ಬ್ಯಾಗ್‌, ಛತ್ರಿ, ಕಂಪಾಸ್‌ ಇನ್ನಿತರ ಸಾಮಾನುಗಳನ್ನು ನೀಡಲಾಯಿತು. ಪ್ಲಾಸ್ಟಿಕ್‌ ನಿಷೇಧÜದ ಹಿನ್ನೆಲೆಯಲ್ಲಿ ಬಟ್ಟೆಯಿಂದ ತಯಾರಿಸಿದ ತರಕಾರಿ ಬ್ಯಾಗಗಳನ್ನು ವಿತರಿಸಲಾಯಿತು. ಕ್ಲಬ್‌ನ ಎಲ್ಲ ಸದಸ್ಯರು, ರೋಟರಿ, ಲಯನ್ಸ್‌, ಲಯನೆಸ್‌ ಸದಸ್ಯರು ಉಪಸ್ಥಿತರಿದ್ದರು. ಕಾರ್ಯದರ್ಶಿ ಸೌಜನ್ಯಾ ತೇಲಂಗ್‌ ವಂದಿಸಿದರು.