ಸಿಗಮೊ ಕೋಲಾಟ ಸಂಭ್ರಮ

ಜೊಯಿಡಾ:ಕಾರವಾರ ತಾಲೂಕಿನ ಕುಗ್ರಾಮ ಲಾಂಡೆ ಸಂಸ್ಕೃತಿಯ ನೆಲೆಬೀಡಾಗಿದೆ. ಬುಡಕಟ್ಟು ಕುಣಬಿಗಳು ವಾಸಿಸುವ ಈ ಗ್ರಾಮದಲ್ಲಿ ಕುಣಬಿ ಬುಡಕಟ್ಟು ಸಂಸ್ಕೃತಿಯ ಎಲ್ಲಾ ಚಟಿವಟಿಕೆಗಳನ್ನು ಕಾಣಬಹುದಾಗಿದೆ. ಇಲ್ಲಿಯ ಹೋಳಿ ಹಬ್ಬ ಆಚರಣೆಯೂ ಸೊಗಸಾಗಿದೆ.

ಲಾಂಡೇ ಗ್ರಾಮದಲ್ಲಿ ಕುಣಬಿಗಳು ಸಿಗಮೊ ಕೋಲಾಟ, ಮೈ ಮೇಲೆ ದೇವರು ಬರುವ ಕತ್ತಿ ವರಸೆ ಮಾಡುವ ನಾಟ್ಯ ತಂಡಗಳು ಪ್ರಮುಖವಾಗಿದೆ. ಏಕಾದಶಿಯಿಂದ ಐದುದಿನಗಳಕಾಲ ಲಾಂಡೇ ಗ್ರಾಮದ ಹೋಳಿ ತಂಡ ಬೇರೆ ಬೇರೆ ಗ್ರಾಮಗಳಿಗೆ ಹೋಗಿ ಸಿಗಮೊ ಕೋಲಾಟ ಆಡಿ ಹೊಳಿ ಆಚರಿಸುತ್ತಾರೆ.ಕೊನೆಯದಾಗಿ ತಮ್ಮೂರಿನಲ್ಲಿ ಆಟ ಆಡುತ್ತಿರುವುದು ಕಳೆದ ಅನೇಕ ವರ್ಷಗಳಿಂದ ಮುಂದುವರಿದು ಬಂದಿದೆ.

ಗ್ರಾಮದ ಪ್ರಮುಖರಾದ ವಳಣೊ ವೆಳಿಪ, ಚಂದ್ರಕಾಂತ ಲಾಂಡೇಕರ, ಗೋವಿಂದ ಗಾಂವಕರ, ಸೀತಾರಾಮ ವೆಳಿಪ, ದಯಾನಂದ ಮಿರಾಶಿ, ವಿಷ್ಣು ವೆಳಿಪ, ಅರ್ಜುನ ವೆಳಿಪ, ಸುಭಾಷ ನಾಯ್ಕ ಮುಂತಾದವರು ಹೊಳಿ ಕೋಲಾಟ ಮತ್ತು ದೇವರ ಕಾರ್ಯದಲ್ಲಿ ಪಾಲ್ಗೊಂಡು ಸಹಕರಿಸುತ್ತಾರೆ.