ಶ್ರೀ ಮಹಾಸತಿ ಪರಿವಾರ ದೇವರು ಪುನರ್‌ ಪ್ರತಿಷ್ಠಾ ಮಹೋತ್ಸವ ಮೇ 2ರಿಂದ

ಕುಮಟಾ : ತಾಲೂಕನ ಮಿರ್ಜಾನದ ಸಂಕದಕಟ್ಟೆ ಶ್ರೀ ಮಹಾಸತಿ ದೇವಿಯ ಪರಿವಾರ ದೇವರುಗಳ ಈಗಿದ್ದ ಸ್ಥಾನದಲ್ಲಿ ರಾಷ್ಟ್ರೀಯ ಹೆದ್ದಾರಿ ಹಾದು ಹೋಗುತ್ತಿದ್ದರಿಂದ ಅಲ್ಲಿದ್ದ ಶ್ರೀ ದೇವಿಯ ಪರಿವಾರ ದೇವರುಗಳನ್ನು ಶ್ರೀ ಮಹಾಸತಿ ಸಮೀಪವೇ ಸ್ಥಳಾಂತರಿಸಿ ನೂತನವಾಗಿ ನಿರ್ಮಿಸಲಾಗಿರುವ ಸುಂದರವಾದ ದೇಗುಲದಲ್ಲಿ ಪ್ರತಿಷ್ಠಾಪಿಸಲಾಗುವದು.

ಶ್ರೀ ಮಹಾಸತಿಯ ಪರಿವಾರ ದೇವರುಗಳಾದ ಶ್ರೀ ನಾಗದೇವತೆ, ಶ್ರೀ ಜಟಕೇಶ್ವರ ದೇವರು ಪುನರ್‌ ಪ್ರತಿಷ್ಠಾ ಮಹೋತ್ಸವವು ಮೇ 2ರಂದು ಪ್ರಾರಂಭಗೊಂಡು ಮೇ 3 ರವರೆಗೆ ಜರುಗಲಿದೆ. ಮೇ 3ರಂದು ಶುಕ್ರವಾರ ಪೂರ್ವಾಹ್ನ 9-50ಕ್ಕೆ ಪುನರ್‌ ಪ್ರತಿಷ್ಠೆಯನ್ನು ನವಚಂಡಿಯಾಗದ ಧಾರ್ಮಿಕ ಕಾರ್ಯಕ್ರಮದೊಂದಿಗೆ ನಡೆಯಲಿದೆ. ಮಧ್ಯಾಹ್ನ 1 ಘಂಟೆಗೆ ನವಚಂಡಿಯಾಗದ ಪೂರ್ಣಾಹುತಿ, ಮಹಾಮಂಗಳಾರತಿ ನಂತರ ತೀರ್ಥ ಪ್ರಸಾದ ವಿತರಣೆ ಹಾಗೂ ಅನ್ನಸಂತರ್ಪಣೆ ನಡೆಯಲಿದೆ. ಈ ಧಾರ್ಮಿಕ ಕಾರ‍್ಯಕ್ರಮದಲ್ಲಿ ಭಜಕ ಮಹಾಜನರು ಕುಟುಂಬ ಸಮೇತ ಭಾಗವಹಿಸಿ ಶ್ರೀ ದೇವಿಯ ಹಾಗೂ ಪರಿವಾರ ದೇವರುಗಳ ಕೃಪಾಪ್ರಸಾದಕ್ಕೆ ಪಾತ್ರರಾಗಬೇಕಾಗಿ ದೇವಸ್ಥಾನದ ಆಡಳಿತ ಸಮಿತಿ ವಿನಂತಿಸಿದೆ.