ಅಥ್ಲೆಟಿಕ್ಸ್‌ದಲ್ಲಿ ರಾಜ್ಯ ಮಟ್ಟಕ್ಕೆ ಆಯ್ಕೆ

ಶಿರಸಿ: ಜಿಲ್ಲಾಮಟ್ಟದ ಅಥ್ಲೆಟಿಕ್ಸ್‌ ಕ್ರೀಡಾಕೂಟದಲ್ಲಿನಗರದ ಮಾರಿಕಾಂಬಾ ಸರಕಾರಿ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಉತ್ತಮ ಸಾಧನೆ ಮಾಡಿ ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ನವ್ಯ ಭಟ್ಟ ಗುಂಡು ಎಸೆತ ಪ್ರಥಮ, ಚಕ್ರ ಎಸೆತ ದ್ವಿತೀಯ, ನುಶರತ್‌ ಬಿ.ಕೆ ಜಾವಲಿನ ಪ್ರಥಮ, ಮಲ್ಲಿಕ್‌ ರೆಹಾನ್‌ ಶೇಖ್‌ ಹ್ಯಾಮರ್‌ ಎಸೆತ ದ್ವೀತಿಯ, ಭುವನ್‌ ಗೌಡ್ರು ಪೋಲವಾಲ್ಟ ದ್ವಿತೀಯ, ನಿತಿನ್‌ ಬಿ. ನಾಯ್ಕ, ಚಂದ್ರಶೇಖರ್‌ ಗೌಡ, ಆದಿತ್ಯ ಮೊಗೇರ, ಪುನೀತ .ಎಚ್‌.ನಾಯ್ಕ 4*100 ಮೀ ರಿಲೇ ಪ್ರಥಮ ಸ್ಥಾನ ಪಡೆದರು.

14 ವರ್ಷ ವಯೋಮಿತಿಯೊಳಗಿನ ಅಥ್ಲೆಟಿಕ್ಸ್‌ ಕ್ರೀಡಾಕೂಟದಲ್ಲಿಪೂಜನ್‌ ಬೋರಕರ್‌ 100 ಮೀ. ಓಟ, ಅಖಿಲ್‌ ಹೆಗಡೆ ಶಟಲ್‌ ಬ್ಯಾಡ್ಮಿಂಟನ್‌, ಅಶ್ವಿನಿ ಕಾಶೀಬಾಯಿ 400 ಮೀ. ಓಟ, ಹರ್ಷಿತಾ ಪೂಜಾರಿ ಎತ್ತರ ಜಿಗಿತ, ಪೂರ್ಣಿಮಾ ಹಿರೂರ 600 ಮೀ. ಓಟ ಪ್ರಥಮ ಸ್ಥಾನ ಪಡೆದರು. ದೈಹಿಕ ಶಿಕ್ಷಣ ಶಿಕ್ಷಕ ಉದಯ ಶಿರಹಟ್ಟಿ, ಎ.ಪಿ. ಶ್ರೀನಿವಾಸ ಹಾಗೂ ಯಮುನಾ ನಾಯಕ ತರಬೇತಿ ನೀಡಿದರು.