ಟೈಲ್ಸ್‌ ಕಳುವು ಮೂವರ ಬಂಧನ

ಭಟ್ಕಳ: ತಾಲೂಕಿನ ಕಿದ್ವಾಯಿ ರೋಡ್‌ನಲ್ಲಿ ಕಟ್ಟಡ ನಿರ್ಮಾಣ ಕೆಲಸಕ್ಕೆ ಬಳಸಲಾಗುತ್ತಿದ್ದ 1ಲಕ್ಷ ರೂ. ಮೌಲ್ಯದ ಟೈಲ್ಸ್‌ಗಳನ್ನು ಕಳುವು ಮಾಡಿದ ಆರೋಪದ ಮೇರೆಗೆ ಭಟ್ಕಳ ಶಹರ ಠಾಣಾ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ.

ಬಂಧಿತರನ್ನು ತಾಲೂಕಿನ ತಲಾಂದ ನಿವಾಸಿಗಳಾದ ರಾಜೇಶ, ಚೇತನ ಹಾಗೂ ಹೆಬಳೆ ಗ್ರಾಪಂ ವ್ಯಾಪ್ತಿಯ ಯೋಗೇಶ ಎಂದು ಗುರುತಿಸಲಾಗಿದೆ. ಈ ಸಂಬಂಧ ಗುತ್ತಿಗೆದಾರ ಇಸ್ಮೈಲ್‌ ಎಂಬುವವರು ಪೊಲೀಸರಿಗೆ ದೂರು ನೀಡಿದ್ದರು. ಭಟ್ಕಳ ಶಹರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆದಿದೆ.