ಆ್ಯಪ್ನಗರ

ಪ್ರಮಾಣ ಪತ್ರಕ್ಕಿಂತ ಪ್ರತಿಭೆಗೆ ಬೆಲೆ ಹೆಚ್ಚು

ಸಿದ್ದಾಪುರ : ಪಟ್ಟಣದ ಧನ್ವಂತರಿ ಆಯುರ್ವೇದ ಮಹಾವಿದ್ಯಾಲಯದಲ್ಲಿಭಾನುವಾರ ಡಾ.ಶ್ರೀಪಾದ ಹೆಗಡೆ ಹುಕ್ಲಮಕ್ಕಿ ಅವರ ಷಷ್ಠತ್ರ್ಯಬ್ದಿ ಅಭಿನಂದನಾ ಸಮಾರಂಭದಲ್ಲಿಡಾ. ಶ್ರೀಪಾದ ಹೆಗಡೆಯವರು ಬರೆದ ಆರೋಗ್ಯ ಚಿಕಿತ್ಸಾ ಪದ್ದತಿ ಕುರಿತ ಅನುಭವ ಸಿರಿ ಪುಸ್ತಕವನ್ನು ಬಿಡುಗಡೆ ಮಾಡಲಾಯಿತು.

Vijaya Karnataka 26 Dec 2019, 5:00 am
ಸಿದ್ದಾಪುರ : ಪಟ್ಟಣದ ಧನ್ವಂತರಿ ಆಯುರ್ವೇದ ಮಹಾವಿದ್ಯಾಲಯದಲ್ಲಿಭಾನುವಾರ ಡಾ.ಶ್ರೀಪಾದ ಹೆಗಡೆ ಹುಕ್ಲಮಕ್ಕಿ ಅವರ ಷಷ್ಠತ್ರ್ಯಬ್ದಿ ಅಭಿನಂದನಾ ಸಮಾರಂಭದಲ್ಲಿಡಾ. ಶ್ರೀಪಾದ ಹೆಗಡೆಯವರು ಬರೆದ ಆರೋಗ್ಯ ಚಿಕಿತ್ಸಾ ಪದ್ದತಿ ಕುರಿತ ಅನುಭವ ಸಿರಿ ಪುಸ್ತಕವನ್ನು ಬಿಡುಗಡೆ ಮಾಡಲಾಯಿತು.
Vijaya Karnataka Web talent is more expensive than certification
ಪ್ರಮಾಣ ಪತ್ರಕ್ಕಿಂತ ಪ್ರತಿಭೆಗೆ ಬೆಲೆ ಹೆಚ್ಚು


ಪುಸ್ತಕ ಬಿಡುಗಡೆ ಮಾಡಿ ಮಾತನಾಡಿದ ಕೆಎಲ್‌ಇ ಹೋಮಿಯೋಪತಿ ವೈದ್ಯಕೀಯ ಮಹಾವಿದ್ಯಾಲಯದ ಪ್ರಾಚಾರ್ಯ ಡಾ.ಎಂ.ಎ.ಉಡಚಣಕರ, ಸಮಾಜದಲ್ಲಿಪದವಿ ಪ್ರಮಾಣ ಪತ್ರ ಇರುವವರು ಇರಬಹುದು. ಆದರೆ ಪ್ರತಿಭೆ ಇರುವವರು ಕಡಿಮೆ. ಓರ್ವ ವ್ಯಕ್ತಿ ಯಶಸ್ವಿಯಾದರೆ ಅವರ ಕುಟುಂಬವರ್ಗ ಸಂತಸಪಡುವುದಕ್ಕಿಂತ ಆತನ ಗುರು ಹೆಚ್ಚು ಸಂತಸ ಪಡುತ್ತಾನೆ. ನಾನು ಇಂತಹ ಸಂತಸವನ್ನು ಶ್ರೀಪಾದ ಹೆಗಡೆಯವರ ಗುರುವಾಗಿ ಈ ಹೃದಯ ಸ್ಪರ್ಶಿ ಕಾರ್ಯಕ್ರಮದ ಮೂಲಕ ಪಡೆಯುತ್ತಿದ್ದೇನೆ. ಅನುಭವ ಸಿರಿಯ ಮೂಲಕ ಶ್ರೀಪಾದ ಹೆಗಡೆಯವರು ವೈದ್ಯಕೀಯ ಕ್ಷೇತ್ರಕ್ಕೆ ಉತ್ತಮ ಕೊಡುಗೆ ನೀಡಿದ್ದಾರೆ ಎಂದು ಅವರು ಹೇಳಿದರು.

ಮುಖ್ಯ ಅತಿಥಿಗಳಾಗಿದ್ದ ಶಿಕ್ಷಣ ಪ್ರಸಾರಕ ಸಮಿತಿ ಉಪಾಧ್ಯಕ್ಷ ಡಾ.ಶಶಿಭೂಷಣ ಹೆಗಡೆ, ಯಾವುದೇ ವೃತ್ತಿಯಲ್ಲಾದರೂ ಅನನ್ಯತೆಯನ್ನು ಸಾಧಿಸದಿದ್ದರೆ ಅದು ಪರಿಪೂರ್ಣವೆನಿಸದು. ತಮ್ಮ ಕ್ಷೇತ್ರದಲ್ಲಿವಿವಿಧ ಮಜಲುಗಳಲ್ಲಿಸಾಧನೆ ಮೆರೆದ ಶ್ರೀಪಾದ ಹೆಗಡೆಯವರು ವೃತ್ತಿಯ ಜೊತೆ ಉತ್ತಮ ಹುದ್ದೆಯನ್ನೂ ಅಲಂಕರಿಸಿದವರು. ಯಕ್ಷಗಾನ ಕಲಾಸೇವೆ, ಸಮಾಜ ಸೇವೆಯಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡವರು ಎಂದರು.

ಶಸ್ತ್ರ ಚಿಕಿತ್ಸಾ ತಜ್ಞ ಡಾ.ರಮೇಶ ಹೆಗಡೆ ಮಾತನಾಡಿ, ನಾವು ಎಷ್ಟು ವರ್ಷ ಜೀವಿಸಿದ್ದೆವು ಎನ್ನುವುದಕ್ಕಿಂತ ಎಷ್ಟು ವರ್ಷ ಸಕ್ರಿಯವಾಗಿ ಜೀವಂತವಾಗಿದ್ದೆವು ಎನ್ನುವುದು ಮುಖ್ಯ ಎಂದರು.

ಕಾರ್ಯಕ್ರಮದಲ್ಲಿಭಾಗವಹಿಸಿದ್ದ ಟಿಎಸ್‌ಎಸ್‌ ಉಪಾಧ್ಯಕ್ಷ ರಾಮಕೃಷ್ಣ ಹೆಗಡೆ ಕಡವೆ,ಯಕ್ಷಗಾನ ಕಲಾವಿದ, ನಿರ್ದೇಶಕ ಶಿವಾನಂದ ಹೆಗಡೆ ಕೆರೆಮನೆ, ಯಕ್ಷಗಾನ ಕಲಾವಿದ ಡಾ.ಜಿ.ಎಲ್‌.ಹೆಗಡೆ ಕುಮಟಾ ಮಾತನಾಡಿದರು.

ಈ ಸಂದರ್ಭದಲ್ಲಿಡಾ. ಶ್ರೀಪಾದ ಹೆಗಡೆ ದಂಪತಿಯನ್ನು ಗೌರವಿಸಿ,ಅಭಿನಂದಿಸಲಾಯಿತು. ಸಭೆಯ ಅಧ್ಯಕ್ಷತೆಯನ್ನು ಯಕ್ಷಗಾನ ಕಲಾವಿದ ಕಮಲಾಕರ ಹೆಗಡೆ ವಹಿಸಿದ್ದರು. ರಕ್ಷಿತಾ ಪ್ರಾರ್ಥನೆ ಹಾಡಿದರು. ಸಿಎ ಗೋಪಾಲಕೃಷ್ಣ ಹೆಗಡೆ ಸ್ವಾಗತಿಸಿ, ಪ್ರಾಸ್ತಾವಿಕ ಮಾತನಾಡಿದರು.


ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ