ಟಾಯರ್‌ ಕದ್ದ ಇಬ್ಬರು ಕಳ್ಳರ ಬಂಧನ

ದಾಂಡೇಲಿ : ನಗರದ ಜೆ.ಎನ್‌.ರಸ್ತೆಯಲ್ಲಿ ನಿಲ್ಲಿಸಿದ ಟಿಪ್ಪರ್‌ ವಾಹನದ ಎರಡು ಟಾಯರ್‌ಗಳನ್ನು ಕದ್ದು ತಮ್ಮ ಟ್ರಕ್‌ಗೆ ಬಳಸಿದ ಇಬ್ಬರು ಆರೋಪಿಗಳನ್ನು ಪಟ್ಟಣದ ಪೊಲೀಸ್‌ ಠಾಣೆ ಅಧಿಕಾರಿಗಳು ಬಂಧಿಸಿದ್ದಾರೆ.

ರಾಮನಗರದ ಮಹಮ್ಮದ್‌ ಹುಸೇನ ಮೆಹಬೂಬ ಅಲಿ(19), ಮಹಮ್ಮದ್‌ ಸುಭಾನ ಮಹಮ್ಮದ್‌ ರಫೀಕ್‌(30) ಬಂಧಿತರು. ಡಿವೈಎಸ್‌ಪಿ ಮೋಹನ ಪಿ.ಪ್ರಸಾದ, ಸಿಪಿಐ ಅನಿಸ್‌ ಮುಜಾವರ ಮಾರ್ಗದರ್ಶನದಲ್ಲಿ ಪಿಎಸ್‌ಐ ಉಮೇಶ ಪಾವಸ್ಕರ್‌ ನೇತೃತ್ವದಲ್ಲಿ ದಾಳಿ ನಡೆಸಲಾಯಿತು.

ಪೊಲೀಸ್‌ ಸಿಬ್ಬಂದಿಯಾದ ಎಎಸ್‌ಐ ಅಶ್ರಿಫ್‌ ಬಳೆಗಾರ, ತುಕಾರಾಮ ನಾಯ್ಕ, ಇಸ್ಮಾಯಿಲ್‌ ಕೋಣಕೆರಿ, ಸೋಮಲಿಂಗ ಖಂಡೇಕರ್‌, ಮಂಜುನಾಥ ದ್ಯಾಮಕ್ಕಿ, ನಾಗರಾಜ, ಮಂಜುನಾಥ ಪಟಗಾರ, ಶರಣ ಜಿ. ವಿವೇಕ, ಬಸವರಾಜು ಇತರರು ಉಪಸ್ಥಿತರಿದ್ದರು.