ದೇವರ ಕಾಡುಗಳ ಸಂರಕ್ಷಣೆ ಅಗತ್ಯ

ಶಿರಸಿ : ಪಶ್ಚಿಮ ಘಟ್ಟ ಪ್ರದೇಶದಲ್ಲಿಹುಲಿದೇವರಬನ, ಚೌಡಿ ಕಾನು, ಭೂತನಕಾನು, ಜಟಕನ ಬನ ಹಾಗೂ ಔಷಧ ಸಸ್ಯಗಳ ವನಗಳು ಇದ್ದು ಈ ರೀತಿಯ ದೇವರ ಕಾಡುಗಳ ಸಂರಕ್ಷಣೆಯಿಂದ ನೈಸರ್ಗಿಕ ಅರಣ್ಯ ನಿರ್ಮಾಣ ಸಾಧ್ಯ ಎಂದು ಅರಣ್ಯ ಮಹಾವಿದ್ಯಾಲಯದ ಸಂಶೋಧಕ ಶ್ರೀಕಾಂತ ಗುನಗಾ ಹೇಳಿದರು.

ಅವರು ಶಿರಸಿಯ ನೆಮ್ಮದಿಕುಟೀರದಲ್ಲಿ ಯೂತ್‌ ಫಾರ್‌ ಸೇವಾ ಉತ್ತರ ಕನ್ನಡ ಮತ್ತು ಸುಭಾಶ್ಚಂದ್ರ ಭೋಸ ಕಾರ್ಯ ಪಡೆಯ ಆಶ್ರಯದಲ್ಲಿನಡೆದ ನವಗ್ರಹ ವನ ನಿರ್ಮಾಣ ಕಾರ್ಯಕ್ರಮದಲ್ಲಿಮಾತನಾಡಿದರು.

ಯೂತ್‌ ಫಾರ್‌ ಸೇವಾ ಪರಿಸರ ಸಂಯೋಜಕ ಉಮಾಪತಿ ಭಟ್ಟ ನವಗ್ರಹ ವನದ ಮಹತ್ವ ಮತ್ತು ಅವುಗಳ ಉಪಯೋಗ ತಿಳಿಸಿದರು.

ನವಗ್ರಹ ವನ ನಿರ್ಮಾಣದ ಜತೆಗೆ ಸಮುದ್ರಫಲ, ಕರಿಲಕ್ಕಿ, ಜಾಯಿಕಾಯಿ, ಲವಂಗ, ಮದ್ದಾಲೆ, ಅತ್ತಿ, ತಟ್ಟೆಲೆ ವಿವಿಧ ಜಾತಿಯ ಔಷಧಿ ಸಸ್ಯಗಳನ್ನು ನೆಡಲಾಯಿತು.

ನೆಮ್ಮದಿ ಕುಟೀರ ಸಮಿತಿಯ ಉಪಾಧ್ಯಕ್ಷ ವಿ.ಪಿ.ಹೆಗಡೆ ವೈಶಾಲಿ, ರಾಮದಾಸ ಪೈ ಹುಲೇಕಲ್‌ ಸುಭಾಶ್ಚಂದ್ರಭೋಸ್‌ ಕಾರ್ಯಪಡೆಯ ಪ್ರಮುಖ ಕೇಶವ ದೊಂಬೆ, ಭÜಗೀರಥ ಕೆ. ಮಹಾಲಿಂಗಣ್ಣನವರ್‌, ಗಣೇಶ ಎಸ್‌ ಶೇಟ್‌ ಮತ್ತಿತರರು ಉಪಸ್ಥಿತರಿದ್ದರು.