27ರಂದು ಕಾರ್ಮಿಕ ಇಲಾಖೆ ಕಚೇರಿಗೆ ಮುತ್ತಿಗೆ

ಶಿರಸಿ: ಆರ್ಥಿಕ ತೀವ್ರ ಸಂಕಷ್ಟದಲ್ಲಿರುವ ಕಾರ್ಮಿಕ ಸಮಸ್ಯೆಗೆ ಒಂದು ವಾರದಲ್ಲಿ ಸ್ಪಂದಿಸದಿದ್ದಲ್ಲಿ ಸ್ಥಳೀಯ ಕಾರ್ಮಿಕ ಇಲಾಖೆ ಕಚೇರಿಗೆ ವಿವಿಧ ಸಂಘಟನೆ ಕಾರ್ಮಿಕರು ಮೇ 27 ರಂದು ಮುತ್ತಿಗೆ ಹಾಕಿ ಪ್ರತಿಭಟಿಸಲಿದ್ದಾರೆ ಎಂದು ಸಾಮಾಜಿಕ ಹೋರಾಟಗಾರ ರವೀಂದ್ರ ನಾಯ್ಕ ತಿಳಿಸಿದ್ದಾರೆ. ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಕಾರ್ಮಿಕ ಸಹಾಯಧನ ಘೋಷಿಸಿ 50 ದಿನಗಳಾದರೂ ಜಿಲ್ಲೆಯಲ್ಲಿಕೇವಲ 8 ಸಾವಿರ ಕಾರ್ಮಿಕರ ಖಾತೆಗೆ ಸಹಾಯಧನ ಜಮಾ ಆಗಿದ್ದು, 20 ಸಾವಿರಕ್ಕೂ ಮಿಕ್ಕಿ ಕಾರ್ಮಿಕರಿಗೆ ಜಮಾ ಆಗಿಲ್ಲಎಂದು ದೂರಿದ್ದಾರೆ. ಕಾರ್ಮಿಕರ ಇಲಾಖೆಯಲ್ಲಿನೋಂದಾಯಿಸಲ್ಪಟ್ಟ ಮತ್ತು ಇನ್ನಿತರ ಕಾರ್ಮಿಕರಿಗೂ ಆಹಾರ ಕಿಟ್‌ ನೀಡದೆ ಕಾರ್ಮಿಕರಲ್ಲದವರಿಗೆ ನೀಡಿ ಅನ್ಯಾಯ ಮಾಡಿದೆ ಎಂದು ರವೀಂದ್ರ ನಾಯ್ಕ ತಿಳಿಸಿದ್ದಾರೆ.