ಸೈರನ್‌ ತಯಾರಿಸಿದ ವಿದ್ಯಾರ್ಥಿಗಳು

ಯಲ್ಲಾಪುರ : ಸುಲಭ ಮತ್ತು ಅತ್ಯಂತ ಸರಳ ನಿತ್ಯೋಪಯೋಗಿ ಸಾಧನಗಳನ್ನು ಬಳಸಿಕೊಂಡು ಶಾಲಾ ಮಕ್ಕಳು ಸೈರನ್‌ ಒಂದನ್ನು ತಯಾರಿಸಿದ್ದು ಮಕ್ಕಳೇ ತಯಾರಿಸಿದ ಈ ಸೈರನ್‌ ಜನ ಮೆಚ್ಚುಗೆಗೆ ಪಾತ್ರವಾಗಿದೆ.

ತಾಲೂಕಿನ ಆನಗೋಡ ಶಾಲೆಯ ಏಳನೇ ತರಗತಿಯ ವಿದ್ಯಾರ್ಥಿಗಳಾದ ಸಿಂಧೂ ನಾರಾಯಣ ಗಾಂವ್ಕಾರ್‌, ಚಿನ್ಮಯ ಸತ್ಯನಾರಾಯಣ ಹೆಗಡೆ ಮತ್ತು ಉಮೇಶ ಮರಾಠಿ ಈ ಸುಲಭ ಸಾಧನವನ್ನು ಅತ್ಯಂತ ಕಡಿಮೆ ಖರ್ಚಿನಲ್ಲಿ ರೂಪಿಸಿದ್ದಾರೆ.

ಪ್ರಯೋಗಾರ್ಥವಾಗಿ ಈ ಸಾಧನವನ್ನು ಶಾಲೆಯ ಕಂಪ್ಯೂಟರ್‌ ಕೋಣೆಯ ಬಾಗಿಲಿಗೆ ಅಳವಡಿಸಲಾಗಿದೆ. ಯಾರಾದರೂ ಈ ಕೋಣೆಯ ಬಾಗಿಲು ತೆರೆದರೆ ತಕ್ಷ ಣ ಮಕ್ಕಳು ಅಳವಡಿಸಿದ ಈ ಸೈರನ್‌ ದೊಡ್ಡದಾಗಿ ಸದ್ದು ಮಾಡಿ ಸುತ್ತಲಿನವರನ್ನು ಎಚ್ಚರಿಸುತ್ತದೆ. ಮಕ್ಕಳೇ ಆಸಕ್ತಿಯಿಂದ ತಯಾರಿಸಿದ ಈ ಉಪಕರಣವನ್ನು ನೋಡಿದ ಕ್ಷೇತ್ರ ಶಿಕ್ಷ ಣಾಧಿಕಾರಿ ಎನ್‌.ಆರ್‌.ಹೆಗಡೆ ಹಾಗೂ ಇಲಾಖೆಯ ಅಧಿಕಾರಿಗಳು ಮೆಚ್ಚುಗೆ ಸೂಚಿಸಿದ್ದಾರೆ.

ಈ ಉಪಕರಣ ತಯಾರಿಸಿದ ಮಕ್ಕಳನ್ನು ಶಾಲೆಯ ಮುಖ್ಯ ಶಿಕ್ಷ ಕ ಸುಧಾಕರ ನಾಯಕ, ಶಿಕ್ಷ ಕಿಯರಾದ ಪ್ರತಿಭಾ ನಾಯ್ಕ, ಕುಸುಮಾ ನಾಯಕ, ಸವಿತಾ ಹೆಗಡೆ, ಎಸ್‌ಡಿಎಂಸಿ ಅಧ್ಯಕ್ಷ ಎಸ್‌.ಎನ್‌.ಹೆಗಡೆ ಮುಂತಾದವರು ಅಭಿನಂದಿಸಿ, ಇಂತಹ ವೈಜ್ಞಾನಿಕ ಯೋಚನೆಯಿಂದಾಗಿ ಇನ್ನಷ್ಟು ಸಾಧನಗಳನ್ನು ಮಕ್ಕಳು ಕಂಡು ಹಿಡಿಯುವಂತಾಗಲಿ ಎಂದು ಹಾರೈಸಿದ್ದಾರೆ.