ಇಂದು ಸಂಗೀತ ಕಾರ್ಯಕ್ರಮ

ಯಲ್ಲಾಪುರ : ಗುರುಪೂರ್ಣಿಮೆ ನಿಮಿತ್ತ ಪಟ್ಟಣದ ನಾಯಕನಕೆರೆಯ ಶ್ರೀ ಶಾರದಾಂಬಾ ದೇವಸ್ಥಾನದ ಸಭಾಭವನದಲ್ಲಿ ಸ್ವರಮಾಧುರಿ ಸಂಗೀತ ವಿದ್ಯಾಲಯದ ವಿದ್ಯಾರ್ಥಿಗಳಿಂದ ಜು.21ರಂದು ಮಧ್ಯಾಹ್ನ 2 ರಿಂದ ರಾತ್ರಿ 10 ಘಂಟೆಯವರೆಗೆ ಕಲಾವಿದ ದಿವಂಗತ ಪಂಡಿತ್‌ ಸಂದೀಪ ಉಡುಪರ ಸ್ಮರಣಾರ್ಥ 'ನಾದಪೂರ್ಣಿಮಾ' ಸಂಗೀತ ಕಾರ್ಯಕ್ರಮ ನಡೆಯಲಿದೆ.

ಕಲಾವಿದರಾದ ವಾಣಿ ಹೆಗಡೆ, ಗಣಪತಿ ಹೆಗಡೆ, ಸತೀಶ ಭಟ್ಟ, ಅನುಪಮಾ ಭಟ್ಟ, ಸುಧಾಮ ದಾನಗೇರಿ, ಗಣೇಶ ಗುಂಡ್ಕಲ್‌ ಹಾಗೂ ಪ್ರದೀಪ ಕೋಟೇಮನೆ ಪಾಲ್ಗೊಳ್ಳಲಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.