ಪ್ರದೋಷ ಪೂಜೆ ಸಂಪನ್ನ ಒಟ್ಟು ಪದಗಳ ಸಂಖ್ಯೆ(90)

ಶಿರಸಿ : ತಾಲೂಕಿನ ಆದಿಮಂಜುಗುಣಿಯ ಶ್ರೀ ಸೋಮೇಶ್ವರ ದೇವರ ಪುನಃ ಪ್ರತಿಷ್ಠಾಪನಾ ಮಹೋತ್ಸವದ 5ನೇ ವಾರ್ಷಿಕೋತ್ಸವದ ಅಂಗವಾಗಿ ಪ್ರದೋಷ ಪೂಜೆ ನೆರವೇರಿತು.

ಶ್ರೀ ಸೋಮೇಶ್ವರ ದೇವರಿಗೆ ರುದ್ರಾಭಿಷೇಕ, ಬಿಲ್ವಾರ್ಚನೆ, ತಿಲಾರ್ಚನೆಯೊಂದಿಗೆ ವಿಶೇಷ ಪೂಜೆ ನಡೆಸಲಾಯಿತು. ನೂರಾರು ಸಂಖ್ಯೆಯಲ್ಲಿಆಗಮಿಸಿದ ಭಕ್ತರು ಪೂಜಾ ಕೈಂಕರ್ಯದಲ್ಲಿಪಾಲ್ಗೊಂಡು ಶ್ರೀ ದೇವರ ಕೃಪೆಗೆ ಪಾತ್ರರಾದರು.

ಧಾರ್ಮಿಕ ಕಾರ್ಯಗಳ ನಂತರ ಕಲ್ಲಳ್ಳಿಯ ವಾಗೀಶ ಕಲಾಬಳಗದಿಂದ ಭೀಷ್ಮವಿಜಯ ಆಖ್ಯಾನದ ತಾಳಮದ್ದಳೆ ಜನಮನ ರಂಜಿಸಿತು. ಮುಮ್ಮೇಳದಲ್ಲಿಭೀಷ್ಮನ ಪಾತ್ರದಲ್ಲಿಮಹೇಶ್‌ ಭಟ್ಟ ಕಲ್ಲಳ್ಳಿ, ಸಾಲ್ವನಾಗಿ ವೆಂಕಟ್ರಮಣ ಭಟ್ಟ, ಅಂಬೆಯ ಪಾತ್ರದಲ್ಲಿಕರುಣಾಕರ ಹೆಗಡೆ ಗಮನ ಸೆಳೆದರು. ಹಿಮ್ಮೇಳದಲ್ಲಿಗಣಪತಿ ಹೆಗಡೆ ಭಾಗವತಿಕೆ ಹಾಗೂ ಚಂದ್ರಶೇಖರ ಭಟ್ಟ ಮದ್ದಳೆ ವಾದನದಲ್ಲಿಸಹಕರಿಸಿದರು.