ಭೀಕರ ಮಳೆಗೆ ಸೇತುವೆ ಕುಸಿತ: ಅಂತ್ಯ ಸಂಸ್ಕಾರಕ್ಕೆ ನದಿಯಲ್ಲೆ ಶವ ಸಾಗಿಸಿದ ಗ್ರಾಮಸ್ಥರು

ಅಂಕೋಲಾ: ಭೀಕರ ಮಳೆಯಿಂದ ಸೇತುವೆ ಕುಸಿದ ಹಿನ್ನೆಲೆಯಲ್ಲಿ ತುಂಬಿ ಹರಿಯುತ್ತಿರುವ ನದಿಯಲ್ಲಿ ಅಂತ್ಯ ಸಂಸ್ಕಾರಕ್ಕೆ ಶವ ತೆಗೆದುಕೊಂಡು ಹೋದ ಘಟನೆ ಅಂಕೋಲಾ ತಾಲೂಕಿನ ಖೇಣಿ ಗ್ರಾಮದಲ್ಲಿ ನಡೆದಿದೆ.

ಖೇಣಿ ಗ್ರಾಮದ ಸುಶೀಲಾ(80) ಎಂಬವರು ಗುರುವಾರ ಬೆಳಗ್ಗೆ ಮೃತ ಪಟ್ಟಿದ್ದರು. ಭಾರಿ ಮಳೆಯಿಂದಾಗಿ ರುದ್ರಭೂಮಿಗೆ ಹೋಗುವ ಮಾರ್ಗದಲ್ಲಿ ಕಟ್ಟಲಾಗಿದ್ದ ಸೇತುವೆ ಕುಸಿದು ಬಿದ್ದ ಪರಿಣಾಮ ಶವವನ್ನು ತುಂಬಿ ಹರಿಯುತ್ತಿರುವ ನದಿಯಲ್ಲೇ ಸಾಗಿಸಬೇಕಾಯಿತು.

ಈ ಸೇತುವೆಯನ್ನು ಕೇವಲ ಒಂದು ವರ್ಷದ ಹಿಂದಷ್ಟೇ ಕಟ್ಟಲಾಗಿತ್ತು. ಆದರೆ, ಈ ವರ್ಷದ ವರುಣನ ಆರ್ಭಟಕ್ಕೆ ಸೇತುವೆ ನೆಲಕಚ್ಚಿದೆ.