ಸಾಂತ್ವನ ಕೇಂದ್ರಕ್ಕೆ ಮಹಿಳೆ, ಮಗು

ಗೋಕರ್ಣ : ಗೋಕರ್ಣದ ಬಾವಿಕೊಡ್ಲದ ಕ್ರಾಸ್‌ನಲ್ಲಿ ಎರಡು ದಿನಗಳಿಂದ ತನ್ನ 2 ವರ್ಷದ ಗಂಡು ಮಗುವಿನೊಂದಿಗೆ ಅಲೆದಾಡುತ್ತಿದ್ದ ಅಪರಿಚಿತ ಮಹಿಳೆಯೊಬ್ಬಳನ್ನು ಪೊಲೀಸರು ಕಾರವಾರದ ಮಹಿಳಾ ಸಾಂತ್ವನ ಕೇಂದ್ರಕ್ಕೆ ಸೇರಿಸಿದ್ದಾರೆ.

ಜನರು ಆಕೆಯನ್ನು ಪ್ರಶ್ನಿಸಿದಾಗ ಆಕೆ ಏನೂ ಮಾತನಾಡದೇ ಇರುವುದು ಮತ್ತು ಆಕೆಯು ಮಾನಸಿಕ ರೋಗಿಯಂತೆ ಮೇಲ್ನೋಟಕ್ಕೆ ಕಂಡು ಬಂದಿತು. ಹೀಗಾಗಿ ಗೋಕರ್ಣ ಠಾಣೆಯ ಅಧಿಕಾರಿಗಳು ಸಾಂತ್ವನ ಕೇಂದ್ರಕ್ಕೆ ಕಳಿಸಿದ್ದಾರೆ. ಯಾರಾದರೂ ಸಂಬಂಧಪಟ್ಟವರು ಅವಳನ್ನು ಗುರುತಿಸಿದರೆ ಗೋಕರ್ಣ ಪೊಲೀಸ್‌ ಠಾಣೆಯ ದೂ.ಸಂ. 08386256133ಗೆ ಕರೆ ಮಾಡಿ ತಿಳಿಸಲು ಹೇಳಿದ್ದಾರೆ.