ಪ್ರೌಢಶಾಲೆ ವಿದ್ಯಾರ್ಥಿಗಳಿಗೆ ಯೋಗ ಪಾಠ

ಶಿರಸಿ: ನಗರದ ಲಯನ್ಸ್‌ ಆಂಗ್ಲ ಮಾಧ್ಯಮ ಪ್ರೌಢಶಾಲೆ ವಿದ್ಯಾರ್ಥಿಗಳಿಗೆ ಮೂರು ದಿನಗಳ ಕಾಲ ಯೋಗ ಪಾಠ ಮಾಡಲಾಯಿತು.

ಯೋಗ ಗುರು ಕುಂದಾಪುರದ ಶಂಕರನಾರಾಯಣ ಶಾಸ್ತ್ರಿ ಜ್ಞಾಪಕ ಶಕ್ತಿ ವೃದ್ಧಿ, ಚಾರಿತ್ರ ಪಾಲನೆಗೆ ಅನುಕೂಲವಾಗುವ ಯೋಗಾಸನ ಪಾಠ ಪ್ರಾತ್ಯಕ್ಷಿಕೆಯ ಮೂಲಕ ಕಲಿಸಿದರು. ಉದರವನ್ನು ನೀರಿನಿಂದಲು, ಪುಪ್ಪುಸವನ್ನು ಪ್ರಾಣಾಯಾಮಾಧಿ ಕ್ರೀಯೆಯಿಂದ, ಮೆದುಳನ್ನು ಹೆಚ್ಚಿನ ಆಮ್ಲಜನಕ ಸಿಗುವಂತೆ ಯೋಗ ಮಾರ್ಗದಿಂದ ಶುದ್ಧಗೊಳಿಸಿ ಹೆಚ್ಚೆಚ್ಚು ಶುದ್ಧ ಪ್ರಾಣವಾಯು ದೇಹಕ್ಕೆ ನೀಡಿ ಜ್ಞಾಪಕಶಕ್ತಿ, ಆರೋಗ್ಯ, ಕ್ರೀಯಾಶೀಲತೆ ವೃದ್ಧಿಸಿಕೊಳ್ಳಬೇಕು. ಇದರಿಂದ ಹೆಚ್ಚಿನ ಅಂಕ ಪಡೆಯಲು ಸಾಧ್ಯವಿದೆ ಎಂದರು. ಏಕಾಗ್ರತೆಯ ಸೂತ್ರ ತಿಳಿಸಿ ವಿದ್ಯಾರ್ಥಿಗಳ ಮನಗೆದ್ದರು. ಸಂಸ್ಥೆಯ ಕಾರ್ಯದರ್ಶಿ ಎಂ.ಎಂ.ಭಟ್ಟ ಕಾರೇಕೊಪ್ಪ ಸ್ವಾಗತಿಸಿದರು. ಪ್ರೌಢಶಾಲಾ ಮುಖ್ಯಾಧ್ಯಾಪಕ ಮೋಹನ ಹೆಗಡೆ, ಪ್ರಾಥಮಿಕ ಶಾಲಾ ಮುಖ್ಯಾಧ್ಯಾಪಕ ಗಣಪತಿ ಗೌಡ ಉಪಸ್ಥಿತರಿದ್ದರು.