108 ಅಂಬುಲೆನ್ಸ್‌ನಲ್ಲಿಹೆರಿಗೆ

ನಿಡಗುಂದಿ: ಹೆರಿಗೆ ನೋವು ಅನುಭವಿಸುತ್ತಿದ್ದ ಮಹಿಳೆಯನ್ನು 108 ಅಂಬುಲೆನ್ಸ್‌ನಲ್ಲಿಆಸ್ಪತ್ರೆಗೆ ಕರೆತರುವಾಗ ಅಂಬುಲೆನ್ಸ್‌ನಲ್ಲಿಸುರಕ್ಷಿತ ಹೆರಿಗೆ ಆದ ಘಟನೆ ಶುಕ್ರವಾರ ಬೆಳಗ್ಗೆ ನಡೆದಿದೆ.

ತಾಲೂಕಿನ ಮಜರೇಕೊಪ್ಪ ಗ್ರಾಮದ ಕಮಲಾ ರೇವಣಪ್ಪ ಬಾಣಿ ಅವರು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಇದು ಅವರ ಎರಡನೇ ಹೆರಿಗೆಯಾಗಿದೆ. ಬಾಣಂತಿ ಹಾಗೂ ಮಗು ಆರೋಗ್ಯದಿಂದ ಇದ್ದಾರೆ.

ಬೆಳಗ್ಗೆ 6 ಗಂಟೆಗೆ ಹೆರಿಗೆಯ ಬಗ್ಗೆ ಕರೆ ಬಂದ ತಕ್ಷಣ ತಾಲೂಕಿನ ಕೊನೆ ಗ್ರಾಮವಾಗಿರುವ ಮಜರೆಕೊಪ್ಪ ಗ್ರಾಮಕ್ಕೆ ತೆರಳಿ ಮಹಿಳೆಯನ್ನು ಕರೆದುಕೊಂಡು ಬರುವಾಗ ಮಾರ್ಗ ಮಧ್ಯೆ ಹೆರಿಗೆ ಬೇನೆ ತೀವ್ರವಾಗಿತ್ತು. ಹೀಗಾಗಿಯೇ ಮಾರ್ಗ ಮಧ್ಯೆಯೇ ಅಂಬುಲೆನ್ಸ್‌ನಲ್ಲಿಯೇ ಸುರಕ್ಷಿತವಾಗಿ ಹೆರಿಗೆ ಮಾಡಿಸಲಾಯಿತು ಎಂದು ಇಎಂಟಿ ಅನಿಲಕುಮಾರ ಗುಪ್ತಾ ತಿಳಿಸಿದರು. ಇದಕ್ಕೆ ಪೈಲೆಟ್‌ ಶೌಖತಅಲಿ ಮಕಾನದಾರ ಸಾಥ್‌ ನೀಡಿದರು. ಹೆರಿಗೆಯ ನಂತರ ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ದಾಖಲಿಸಲಾಗಿದೆ.