ವಿಜಯಪುರ: ತಗ್ಗಿದ ಪಾಸಿಟಿವ್ ಪ್ರಮಾಣ, 90 ಮಂದಿಗೆ ಸೋಂಕು, ಕೊರೊನಾಗೆ ಬಲಿಯಾದವರ ಸಂಖ್ಯೆ 29ಕ್ಕೆ ಏರಿಕೆ

ವಿಜಯಪುರ: ಸತತ 3 ದಿನಗಳಿಂದ ಶತಕ ದಾಟಿದ ಸೋಂಕಿತರ ಪತ್ತೆಯಾದ ವಿಜಯಪುರ ಜಿಲ್ಲೆಯಲ್ಲಿ ಬುಧವಾರ ಸೋಂಕಿತರ ಪ್ರಮಾಣ ಸ್ವಲ್ಪ ತಗ್ಗಿದೆ. ಹೊಸದಾಗಿ 90 ಜನಕ್ಕೆ ಕೊರೊನಾ ಪಾಸಿಟಿವ್ ಬಂದಿದ್ದರೆ, ಸೋಂಕಿತ ವೃದ್ಧ ಮೃತಪಟ್ಟಿದ್ದಾರೆ.

ಮುದ್ದೇಬಿಹಾಳ ತಾಲೂಕಿನ ಬಸರಕೋಡ ಗ್ರಾಮದ 73 ವರ್ಷ (ಪಿ100978)ದ ಸೋಂಕಿತ ವ್ಯಕ್ತಿ ಕೊರೊನಾಕ್ಕೆ ಬಲಿಯಾದವರು.

ಕೆಮ್ಮು, ಶ್ವಾಸಕೋಶ, ರಕ್ತದೊತ್ತಡದಿಂದ ಬಳಲುತ್ತಿದ್ದ ಈ ವ್ಯಕ್ತಿ ಜು.25ರಂದು ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಜು.27ರಂದು ಮೃತಪಟ್ಟಿದ್ದು , ಶಿಷ್ಟಾಚಾರದಂತೆ ಅಂತ್ಯಕ್ರಿಯೆ ನೆರವೇರಿಸಲಾಗಿದೆ. ಜಿಲ್ಲೆಯಲ್ಲಿ ಇಲ್ಲಿತನಕ 29 ಸೋಂಕಿತರು ಮೃತಪಟ್ಟಿದ್ದಾರೆ ಎಂದು ಜಿಲ್ಲಾಧಿಕಾರಿ ವೈ.ಎಸ್.ಪಾಟೀಲ ತಿಳಿಸಿದ್ದಾರೆ.

39 ಮಂದಿ ಗುಣಮುಖ

ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 2648ಕ್ಕೆ ಏರಿಕೆಯಾಗಿದ್ದು, ಬುಧವಾರ 39 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾದರು. ಈವರೆಗೆ 1984 ಸೋಂಕಿತರು ಗುಣಮುಖರಾಗಿದ್ದಾರೆ. 635 ಸಕ್ರಿಯ ರೋಗಿಗಳು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ತಾಲೂಕುವಾರು ಸೋಂಕಿತರು

ವಿಜಯಪುರ 1758, ಬಾಗೇವಾಡಿ 174, ಬಬಲೇಶ್ವರ 36, ಚಡಚಣ 17, ದೇವರಹಿಪ್ಪರಗಿ 52, ಇಂಡಿ 122, ಕೊಲ್ಹಾರ 37, ಮುದ್ದೇಬಿಹಾಳ 125, ನಿಡಗುಂದಿ 32, ಸಿಂದಗಿ 124, ತಾಳಿಕೋಟೆ 117, ತಿಕೋಟಾ ತಾಲೂಕಿನಲ್ಲಿ 54 ಮಂದಿಗೆ ಸೋಂಕು ತಗುಲಿದ್ದಾಗಿ ಜಿಲ್ಲಾಧಿಕಾರಿ ವೈ ಎಸ್‌ ಪಾಟೀಲ್‌ ತಿಳಿಸಿದ್ದಾರೆ.