ಆಶಾ ಕಾರ್ಯಕರ್ತೆ ಪುತ್ರಿಗೆ ಥಳಿತ, ಪ್ರಕರಣ ದಾಖಲು

ನಿಡಗುಂದಿ: ಹೋಂ ಕ್ವಾರಂಟೈನ್‌ ಸೀಲ್‌ ಹಾಕುವ ವಿಷಯದಲ್ಲಿಆಶಾ ಕಾರ್ಯಕರ್ತೆ ಪುತ್ರಿಗೆ ಹಲ್ಲೆಮಾಡಿದ ವಲಸೆ ವ್ಯಕ್ತಿ ವಿರುದ್ಧ ಕಾನೂನು ಕ್ರಮಕೈಗೊಳ್ಳುವಂತೆ ನಾಗರಿಕರು ಆಗ್ರಹಿಸಿದ್ದಾರೆ.

ತಾಲೂಕಿನ ಅಂಗಡಗೇರಿ ಗ್ರಾಮಕ್ಕೆ ಗುಳೇದಗುಡ್ಡದಿಂದ ಏ.8ರಂದು ವಲಸೆ ಬಂದಿದ್ದ 6 ಜನರಲ್ಲಿಓರ್ವ ಹೋಂ ಕ್ವಾರಂಟೈನ್‌ ಸೀಲ್‌ ಹಾಕಿಸಿಕೊಂಡಿರಲಿಲ್ಲ. ಸೀಲು ಹಾಕಿಕೊಳ್ಳವಂತೆ ಹೇಳಿದ ಆಶಾ ಕಾರ್ಯಕರ್ತೆ ಶಿಲ್ಪಾ ಹೊಸಮನಿ ಸೂಚಿಸಿದಾಗ ವಲಸಿಗ ಕಾರ್ಯಕರ್ತೆಯ ಮಗಳಿಗೆ ಥಳಿಸಿದ್ದಾನೆ. ಕೂಡಗಿ ಎನ್‌ಟಿಪಿಸಿ ಠಾಣೆಯಲ್ಲಿಪ್ರಕರಣ ದಾಖಲಾಗಿದೆ. ಬುಧವಾರ ಬಸವನಬಾಗೇವಾಡಿ ಡಿವೈಎಸ್‌ಪಿ ಈ.ಶಾಂತವೀರ, ಕೂಡಗಿ ಎನ್‌ಟಿಪಿಸಿ ಪಿಎಸೈ ರೇಣುಕಾ ಜಕನೂರ, ವಂದಾಲ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ.ರವಿ ಬಿದ್ನೂರ ಭೇಟಿ ನೀಡಿ ಆಶಾ ಕಾರ್ಯಕರ್ತೆಗೆ ಸಾಂತ್ವನ ಹೇಳಿದರು.