ಪ್ರವಾಸಕ್ಕೆ ಬಂದಿದ್ದ ಬೆಂಗಳೂರು ಮೂಲದ ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳು ಗಾಂಜಾ ಮಜಾ, ವಿದ್ಯಾರ್ಥಿಗಳ ಬಂಧನ

ವಿಜಯಪುರ : ಕಾರಿನಲ್ಲಿಗಾಂಜಾ ಇಟ್ಟುಕೊಂಡಿದ್ದ ಬೆಂಗಳೂರು ಮೂಲದ ಮೂವರು ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳನ್ನು ಬಳಗಾನೂರ ಕ್ರಾಸ್‌ನಲ್ಲಿಬಂಧಿಸಿರುವ ತಾಳಿಕೋಟೆ ಠಾಣೆ ಪೊಲೀಸರು, ಲಕ್ಷ ರೂ. ಮೌಲ್ಯದ ಕಾರು ಹಾಗೂ 7 ಕೆಜಿ ಗಾಂಜಾ ವಶಪಡಿಸಿಕೊಂಡಿದ್ದಾರೆ.

ಬೆಂಗಳೂರಿನ ಜಾಲಹಳ್ಳಿ ಕ್ರಾಸ್‌ ನಿವಾಸಿಗಳಾದ ರಾಕೇಶ ಬಸವರಾಜ (24), ಅರ್ಜುನ ರಾಮೇಗೌಡ (25) ಹಾಗೂ ಬೆಂಗಳೂರಿನ ರಾಜಗೋಪಾಲ ನಗರ ನಿವಾಸಿ ವಿಕ್ರಾಂತ ಶಂಕರ ನಾಯಕ (22) ಬಂಧಿತ ಆರೋಪಿಗಳು.

ಈ ಮೂವರು ಕಾರಿನಲ್ಲಿಅಕ್ರಮವಾಗಿ ಗಾಂಜಾ ಇಟ್ಟುಕೊಂಡಿದ್ದಾರೆ ಎಂಬ ಖಚಿತ ಮಾಹಿತಿ ಆಧರಿಸಿ ತಾಳಿಕೋಟೆ ಪೊಲೀಸರು ಶುಕ್ರವಾರ ಬಳಗಾನೂರ ಕ್ರಾಸ್‌ನಲ್ಲಿಕಾರು ನಿಲ್ಲಿಸಿ ತಪಾಸಣೆಗೊಳಪಡಿಸಿದ್ದಾರೆ. ಆ ವೇಳೆ ಹಸಿ ಗಾಂಜಾ, ಹೂ ಮತ್ತು ಕಾಯಿಯನ್ನು ಪ್ಲಾಸ್ಟಿಕ್‌ ಗೊಬ್ಬರ ಚೀಲದಲ್ಲಿಟ್ಟಿದ್ದನ್ನು ಪತ್ತೆ ಮಾಡಿದ್ದಾರೆ.

ಪ್ರವಾಸದಲ್ಲಿಗಾಂಜಾ ಮಜಾ :

ಮೂವರು ಆರೋಪಿಗಳನ್ನು ವಶಕ್ಕೆ ಪಡೆದು ಪೊಲೀಸರು ವಿಚಾರಣೆಗೊಳಪಡಿಸಿದಾಗ, ನಾವು ಮೂವರು ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳು ಪ್ರವಾಸಕ್ಕೆಂದು ಈ ಭಾಗದಲ್ಲಿಬಂದಿದ್ದೆವು. ತಾಳಿಕೋಟೆ ಬಳಿಯಿರುವ ರಾಮನಟ್ಟಿಯಲ್ಲಿಗಾಂಜಾ ಸಿಗುತ್ತದೆ ಎಂಬ ಮಾಹಿತಿ ಆಧರಿಸಿ, ಗಾಂಜಾ ಖರೀದಿಸಿ ಮಜಾ ಮಾಡಿದ್ದಾಗಿ ತಪ್ಪೊಪ್ಪಿಕೊಂಡಿದ್ದಾರೆ ಎಂದು ತಾಳಿಕೋಟೆ ಪಿಎಸ್‌ಐ ವಸಂತ ಬಂಡಗಾರ ವಿಜಯ ಕರ್ನಾಟಕಕ್ಕೆ ತಿಳಿಸಿದ್ದಾರೆ. ಬೆಂಗಳೂರು ತಲುಪುವವರೆಗೆ ಗಾಂಜಾ ಮಜಾ ಮಾಡಬೇಕೆಂಬ ಕಾರಣಕ್ಕಾಗಿ ಕಾರಿನಲ್ಲಿಹೆಚ್ಚುವರಿಯಾಗಿ ಗಾಂಜಾದೊಂದಿಗೆ ಪ್ರಯಾಣಿಸುತ್ತಿದ್ದುದಾಗಿಯೂ ತಪ್ಪೊಪ್ಪಿಕೊಂಡಿದ್ದಾರೆ ಎಂದವರು ತಿಳಿಸಿದ್ದಾರೆ.

-------------