ಬಸರಕೋಡ ಗ್ರಾಪಂ ಅಧ್ಯಕ್ಷ ಸ್ಥಾನಕ್ಕೆ ಇಂದು ಚುನಾವಣೆ

ಢವಳಗಿ: ಅವಿಶ್ವಾಸ ಮಂಡನೆಯಿಂದ ಈಚೆಗೆ ತೆರವಾಗಿದ್ದ ಢವಳಗಿ ಹೋಬಳಿ ವ್ಯಾಪ್ತಿಯ ಬಸರಕೋಡ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಸ್ಥಾನಕ್ಕೆ ನ.28ರಂದು ಚುನಾವಣೆ ನಡೆಯಲಿದೆ.

ಅಂದು ಬೆಳಗ್ಗೆ 10ರಿಂದ ಮಧ್ಯಾಹ್ನ 12ರ ವರೆಗೆ ನಾಮಪತ್ರ ಸ್ವೀಕಾರ, 12.15ರವರೆಗೆ ನಾಮಪತ್ರ ಪರಿಶೀಲನೆ, 12.30ರವರೆಗೆ ನಾಮಪತ್ರ ಹಿಂತೆಗೆದುಕೊಳ್ಳಲು ಕಾಲಾವಕಾಶ, ನಂತರ ಅಗತ್ಯ ಬಿದ್ದರೆ ಚುನಾವಣೆ ನಡೆಯಲಿದೆ.

ಬಸರಕೋಡ ಗ್ರಾಪಂ 15 ಸದಸ್ಯ ಬಲ ಹೊಂದಿದ್ದು, 11 ಸದಸ್ಯರು ಈಗಿನ ಅಧ್ಯಕ್ಷೆ ಕವಿತಾ ಮೇಟಿ ವಿರುದ್ಧ ಅವಿಶ್ವಾಸ ಮಂಡಿಸಿದ್ದರು. ಹೀಗಾಗಿ ಮತ್ತೆ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ನಡೆಯುತ್ತಿದೆ ಎಂದು ಪ್ರಕಟಣೆ ತಿಳಿಸಿದೆ.