ವಿಜಯಪುರ: ಸಮಸ್ಯೆ ಬಗೆಹರಿಸಿ, ಇಲ್ಲವಾದಲ್ಲಿ ದಯಾಮರಣ ನೀಡಿ; ನೊಂದ ರೈತನಿಂದ ಡಿಸಿಗೆ ಮನವಿ!

ವಿಜಯಪುರ: ಸಮಸ್ಯೆ ಬಗೆಹರಿಸಿ. ಇಲ್ಲವಾದಲ್ಲಿ ದಯಾಮರಣ ನೀಡಿ ಎಂದು ಒತ್ತಾಯಿಸಿ ರೈತನೊಬ್ಬ ಮುಖಂಡರ ನೇತೃತ್ವದಲ್ಲಿ ಜಿಲ್ಲಾಧಿಕಾರಿ ಮೂಲಕ ಪ್ರಧಾನಿಗೆ ಮನವಿ ಸಲ್ಲಿಸಿದರು.

ತಾಲೂಕಿನ ಕತಕನಹಳ್ಳಿ ಗ್ರಾಮದ ನೊಂದ ರೈತ ಹಿರಗಪ್ಪ ಅಲ್ಲಾಪೂರ ಮಾತನಾಡಿ, ನನಗೆ 2 ಬ್ಯಾಂಕಿನ ಕಡೆ ಟ್ರ್ಯಾಕ್ಟರ್ ಗೆ‌ ಸಾಲ ಮಾಡಿದ್ದೆ. ಮಹೇಂದ್ರ ಕಂಪನಿಯವರು ದಬ್ಬಾಳಿಕೆ ಮಾಡಿ ಟ್ರ್ಯಾಕ್ಟರ್ ಟ್ರೈಲರ್‌ ತಗೆದುಕೊಂಡು ಹೋಗಿದ್ದಾರೆ. ಗ್ರಾಮೀಣ ಠಾಣೆಯಲ್ಲಿ ದೂರು ನೀಡಿದ ಬಳಿಕ ಮಹಿಂದ್ರ ಕಂಪನಿಯವರು ಟ್ರ್ಯಾಕ್ಟರ್ ಗೆ‌ ಹಾಗೂ ಹಣ ಕೊಡುತ್ತೇವೆ ಎಂದು ವಂಚಿಸಿದ್ದಾರೆ ಎಂದು ಆರೋಪಿಸಿದರು.

ಹಾಗಾಗಿ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ ಮಹಿಂದ್ರ ಕಂಪನಿಯ ವಿರುದ್ಧ ಕಾನೂನು ಕ್ರಮ ಕೈಗೊಂಡು, ನನ್ನ ಟ್ರ್ಯಾಕ್ಟರ್ ಗೆ‌ ಮರಳಿಸಬೇಕು. ಇಲ್ಲವಾದಲ್ಲಿ ನನಗೆ ದಯಾ ಮರಣಕ್ಕೆ ಅನುಮತಿ ನೀಡಬೇಕು ಎಂದು ಮನವಿಯಲ್ಲಿ ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ ರೈತ ಕಾರ್ಮಿಕ ಸಂಘಟನೆ ರಾಜ್ಯ ಉಪಾಧ್ಯಕ್ಷ ಭೀಮಶಿ ಕಲಾದಗಿ, ಜನವಾದಿ ಮಹಿಳಾ ಸಂಘದ ಸುರೇಖಾ ರಜಪೂತ, ಜಿಲ್ಲಾಧ್ಯಕ್ಷ ಬಿಸ್ಮಿಲ್ಲಾಬಡೇಘರ, ಸಿಐಟಿಯು ಪ್ರಧಾನ ಕಾರ್ಯದರ್ಶಿ ಲಕ್ಷ್ಮಣ ಹಂದ್ರಾಳ ಮತ್ತಿತರರಿದ್ದರು.