ವಲಸೆ ಕುಟುಂಬಗಳಿಗೆ ಆಹಾರ ಧಾನ್ಯ ವಿತರಣೆ

ತಿಕೋಟಾ: ಭಾರತ ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಮಹಾರಾಷ್ಟ್ರದ ಕೊಲ್ಹಾಪುರದಲ್ಲಿ ಕೆಲಸವಿಲ್ಲದೆ ತೊಂದರೆಯಾಗಿ ಸ್ವಗ್ರಾಮ ಕಳ್ಳಕವಟಗಿ ತಾಂಡಾಕ್ಕೆ ಮರಳಿದ ಕುಟುಂಬಗಳಿಗೆ ಘೋಣಸಗಿ ಗ್ರಾಪಂ ಅಧ್ಯಕ್ಷ ಗುರುಲಿಂಗ ಮಾಳಿ ನೇತೃತ್ವದಲ್ಲಿಅಗತ್ಯ ವಸ್ತುಗಳನ್ನು ವಿತರಿಸಲಾಯಿತು.

ತಾಂಡಾಕ್ಕೆ ಆಗಮಿಸಿದ 30 ಜನರ ಮಾಹಿತಿ ಪಡೆದ ಗ್ರಾಪಂ ಅಧ್ಯಕ್ಷ ಗುರಲಿಂಗ ಮಾಳಿ ಘೋಣಸಗಿ, ಆರೋಗ್ಯ ಉಪಕೇಂದ್ರದ ಆರೋಗ್ಯಾಧಿಕಾರಿ ಜಮಾಲುದ್ದಿನ ಮುಲ್ಲಾ, ಪಿಡಿಒ ರಾಜಶ್ರೀ ತುಂಗಳ ಭೇಟಿ ನೀಡಿ ಜೋಳ, ಬೇಳೆ, ಸಕ್ಕರೆ, ಅಕ್ಕಿ , ಅಡುಗೆ ಎಣ್ಣೆ ಮತ್ತಿತರ ವಸ್ತುಗಳನ್ನು ವಿತರಿಸಿದರು.

ಆರೋಗ್ಯಾಧಿಕಾರಿ ಜಮಾಲುದ್ದೀನ್‌ ಮುಲ್ಲಾಮಾತನಾಡಿ, ಎಲ್ಲಕುಟುಂಬದವರು 14 ದಿನ ಮನೆಯಲ್ಲೇ ಇರಬೇಕು. ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕು. ಯಾರಿಗಾದರೂ ಜ್ವರ ಕೆಮ್ಮು , ನೆಗಡಿ ಕಂಡುಬಂದರೆ ತಕ್ಷಣೆ ಸಹಾಯವಾಣಿಗೆ ಕರೆ ಮಾಡಬೇಕು, ಗ್ರಾಪಂ ಗಮನಕ್ಕೆ ತರಬೇಕೆಂದು ಸೂಚನೆ ನೀಡಿದರು.

ಎಂ.ಬಿ.ಪಾಟೀಲ ಫೌಂಡೇಶನ್‌ ನಿರ್ದೇಶಕ ಶಂಕರಗೌಡ ಬಿರಾದಾರ, ಗ್ರಾಪಂ ಸಿಬ್ಬಂದಿ ಶ್ರೀಶೈಲ ಖವಿ, ಆಶಾ ಕಾರ್ಯಕರ್ತೆ ಅಶ್ವಿನಿ ಗಿಡ್ನವರ್‌, ಸಿದ್ದಪ್ಪ ಗದ್ಯಾಳ ಸಚಿನ ಝಂಡೆ ಮತ್ತಿತರರಿದ್ದರು.