ಸಾಲ ಬಾಧೆ ತಾಳದ ಸಾವಿಗೆ ಶರಣಾದ ಅನ್ನದಾತ

ವಿಜಯಪುರ: ಸಾಲ ಬಾಧೆ ತಾಳದ‌ ರೈತರೊಬ್ಬರ ನೇಣಿಗೆ ಶರಣಾದ ಘಟನೆ ದೇವರಹಿಪ್ಪರಗಿ ತಾಲೂಕಿನ ಹಂದಿಗನೂರ ಗ್ರಾಮದಲ್ಲಿ‌ ಸೋಮವಾರ ನಡೆದಿದೆ.

ಗ್ರಾಮದ ಲೇಸಪ್ಪ ಡಾಂಗಿ(65) ಆತ್ಮಹತ್ಯೆ ಮಾಡಿಕೊಂಡ ರೈತ.

ಆತ್ಮಹತ್ಯೆಗೀಡಾದ ಲೇಸಪ್ಪ‌ ಪಕ್ಕದ ಕೋರವಾರ ಗ್ರಾಮದ ಸಿಂಡಿಕೇಟ್ ಬ್ಯಾಂಕ್‌ನಲ್ಲಿ ಒಂದೂವರೆ ಲಕ್ಷ ರೂಪಾಯಿ ಸಾಲ ಮಾಡಿದ್ದ. ಅಲ್ಲದೇ 3ಲಕ್ಷ ಖಾಸಗಿ ಕೈಗಡ ಸಾಲ‌ ಮಾಡಿಕೊಂಡಿದ್ದ.

ಆದರೆ ಸಕಾಲಕ್ಕೆ ಮಳೆಯಾಗದ್ದರಿಂದ‌ ಮಾಡಿದ ಸಾಲ ತೀರಿಸುವುದು ಹೇಗೆ ‌ಎಂದು‌ ಜೀವನದಲ್ಲಿ ಜಿಗುಪ್ಸೆ ಹೊಂದಿ‌ ಸೋಮವಾರ ನೇಣಿಗೆ ಶರಣಾಗಿದ್ದಾನೆ.

ದೇವರಹಿಪ್ಪರಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.