ಅತೃಪ್ತ ಶಾಸಕರು ಬಂದರೆ ಮತ್ತೆ ಮೈತ್ರಿ ಸರಕಾರ ರಚನೆ ಸಾಧ್ಯತೆ: ಶಿವಾನಂದ ಪಾಟೀಲ್‌

ವಿಜಯಪುರ: ಅತೃಪ್ತ ಶಾಸಕರು ತಪ್ಪಿನ ಅರಿವಾಗಿ ವಾಪಸ್ ಬಂದರೆ ಮತ್ತೆ ಮೈತ್ರಿ ಸರಕಾರ ರಚನೆ ಸಾಧ್ಯತೆ ಇದೆ ಎಂದು ಮಾಜಿ ಆರೋಗ್ಯ ಸಚಿವ ಶಿವಾನಂದ ಪಾಟೀಲ ತಿಳಿಸಿದ್ದಾರೆ.

ವಿಜಯಪುರದಲ್ಲಿ ಸುದ್ದಿಗಾರರೊಂದಿಗೆ ಶಿವಾನಂದ ಪಾಟೀಲ್‌ ಮಾತನಾಡಿದರು.

ಅತೃಪ್ತ ಶಾಸಕರ ರಾಜೀನಾಮೆ/ಅನರ್ಹತೆ ವಿಚಾರ ಸ್ಪೀಕರ್ ಅಂಗಳದಲ್ಲಿದ್ದಾಗ ಆ ವಿಚಾರದ ಬಗ್ಗೆ ಏನನ್ನೂ ಹೇಳಲಾಗದು ಎಂದರು.

ಬಿಜೆಪಿಯವರು ಕೂಡ ಬಹುಮತ ಸಾಬೀತುಪಡಿಸಬೇಕು. ಹೇಗೆ ಸಾಬೀತುಪಡಿಸುತ್ತಾರೆಂಬುದನ್ನು ಕಾದು ನೋಡಬೇಕು ಎಂದು ಮಾಜಿ ಸಚಿವರು ತಿಳಿಸಿದರು.

ಅತೃಪ್ತ ಶಾಸಕರನ್ನು ಮತ್ತೆ ಪಕ್ಷಕ್ಕೆ ಸೇರಿಸಿಕೊಳ್ಳಲ್ಲ ಎಂದು ಸಿದ್ದರಾಮಯ್ಯ ಹೇಳಿದ್ದಾರಲ್ಲ ಎಂಬ ಪ್ರಶ್ನೆಗೆ, ಅವರು ತಾತ್ವಿಕವಾಗಿ ಹೇಳಿದ್ದಾರೆ ಎಂದಷ್ಡೇ ಶಿವಾನಂದ ಪಾಟೀಲ್‌ ಉತ್ತರಿಸಿದರು.