ಬಾಂಗ್ಲಾ ಅಕ್ರಮ ನುಸುಳುಕೋರರಿಗೆ ಭಾರತದಿಂದ ಗೇಟ್ ಪಾಸ್

ವಿಜಯಪುರ: ನಗರ ಪೊಲೀಸರು ಬಾಂಗ್ಲಾದೇಶದ ಅಕ್ರಮ ನುಸುಳುಕೋರರಿಗೆ ಭಾರತದಿಂದ ಗೇಟ್ ಪಾಸ್ ನೀಡಿದ್ದಾರೆ. ಅಕ್ರಮವಾಗಿ ಭಾರತದೊಳಗೆ ನುಗ್ಗಿದ್ದ ಬಾಂಗ್ಲಾ ನುಸುಳುಕೋರರು ವಿಜಯಪುರ ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದರು.

24 ಜನ ಅಕ್ರಮ ನುಸುಳುಕೋರರನ್ನು ಪೊಲೀಸರು ದೇಶದ ಹೊರದಬ್ಬಿದ್ದಾರೆ. 2016 ಡಿಸೆಂಬರ್ ನಲ್ಲಿ ವಿಜಯಪುರ ನಗರದ ಇಂಡಸ್ಟ್ರಿಯಲ್ ಏರಿಯಾದಲ್ಲಿ ನುಸುಳುಕೋರರು ಸಿಕ್ಕಿ ಬಿದ್ದಿದ್ದರು.

ಬಾಂಗ್ಲಾ ರಾಯಭಾರಿ ಕಚೇರಿಯ ಜೊತೆ ನಿರಂತರ ಸಂಪರ್ಕದ ಬಳಿಕ ಸದ್ಯ ನುಸುಳುಕೋರರಿಗೆ ಗೇಟ್ ಪಾಸ್ ನೀಡಲಾಗಿದೆ. ಈ ಎಲ್ಲ ನುಸುಳುಕೋರರು ಎರಡು ವರ್ಷಗಳ ವರೆಗೆ ಜೈಲು ಶಿಕ್ಷೆ ಅನುಭವಿಸಿದ್ದಾರೆ.

ವಿಜಯಪುರ ಪೊಲೀಸರು ನ್ಯಾಯಾಲಯ ಮೂಲಕ ಅನುಮತಿ ಪಡೆದು ಬಾಂಗ್ಲಾ ರಾಯಭಾರಿ ಕಚೇರಿ ಅಧಿಕಾರಿಗಳ ಜೊತೆಗೆ ಪತ್ರ ವ್ಯವಹಾರ ನಡೆಸಿದ್ದರು. ಕೊನೆಗೂ ದೇಶದಿಂದ ಅಕ್ರಮ ನುಸುಳುಕೋರರಿಗೆ ಭಾರತದಿಂದ ಗೇಟ್ ಪಾಸ್ ಮಾಡಲಾಗಿದೆ.