ನೆರೆ ಊರುಗಳಲ್ಲಿ ಸ್ವಾತಂತ್ರ್ಯೋತ್ಸವ

ಹುಲ್ಲೂರು :ಕೃಷ್ಣಾ ನದಿ ತೀರದ ಪ್ರವಾಹ ಪೀಡಿತ ಮುದೂರು ಗ್ರಾಮದಲ್ಲಿ ಸಂತ್ರಸ್ತರೊಂದಿಗೆ ಸರಳ ಹಾಗೂ ಅರ್ಥಪೂರ್ಣ ಸ್ವಾತಂತ್ರ್ಯೋತ್ಸವ ಆಚರಿಸಲಾಯಿತು.

ಧ್ವಜಾರೋಹಣ ನೆರವೇರಿಸಿದ ಮುಖ್ಯಗುರು ಎಂ.ವೈ.ಕಳ್ಳಿಮನಿ ಮಾತನಾಡಿ, ಸಂತ್ರಸ್ತರು ಭಯ ಪಡುವ ಅಗತ್ಯವಿಲ್ಲ. ಜಿಲ್ಲಾಡಳಿತ ಎಲ್ಲ ಕ್ರಮಕೈಗೊಳ್ಳಲಿದೆ. ನಿಮ್ಮೆಲ್ಲರ ಕಷ್ಟ ಸುಖಗಳಿಗೆ ನಾವೆಲ್ಲ ಭಾಗಿಯಾಗುತ್ತೇವೆ ಎಂದು ಭರವಸೆ ನೀಡಿದರು.

ಎಸ್ಡಿಎಂಸಿ ಅಧ್ಯಕ್ಷ ಶಿವಾನಂದ ಉಂಡಿ, ಗ್ರಾಪಂ ಸದಸ್ಯ ಗೌಡಪ್ಪಗೌಡ ಪಾಟೀಲ, ಮಹಾಂತೇಶ ಹೆಬ್ಬಾಳ, ಬಸವರಾಜ ಗಂಗೂರ, ಸಂತ್ರಸ್ತರಾದ ಯಲ್ಲಪ್ಪ ಮಾದರ, ಕರೆಪ್ಪ ಮಾದರ, ಸಂಗಪ್ಪ ತಳವಾರ, ರೇಣುಕಾ ತಳವಾರ ಸೇರಿದಂತೆ ಗ್ರಾಮದ ಸಂತ್ರಸ್ತರು ಪಾಲ್ಗೊಂಡಿದ್ದರು.

ನಿಡಗುಂದಿ ತಾಲೂಕಿನ ಹೊಳೆ ಮಸೂತಿ, ಅರಳದಿನ್ನಿ, ಯಲಗೂರು, ಯಲ್ಲಮ್ಮನಬೂದಿಹಾಳ, ಕಾಶೀನಕುಂಟಿ, ವಡವಡಗಿ ಸೇರಿದಂತೆ ಇತರೆ ನೆರೆ ಪೀಡಿತ ಗ್ರಾಮಗಳಲ್ಲೂ ಸ್ವಾತಂತ್ರ್ಯೋತ್ಸವವನ್ನು ಸರಳವಾಗಿ ಆಚರಿಸಲಾಯಿತು.